ខេត្តបាត់ដំបង៖ មានករណីហិង្សាដោយចេតនាមានស្ថានទម្ងន់ទោស(ដេញកា--ប់ទៅវិញទៅ​មក)​មួយបានកើតឡើង កាលពីថ្ងៃអាទិត្យ ទី១៣ ខែសីហា ឆ្នាំ២០២៣ វេលាម៉ោងប្រមាណ៥ល្ងាច នៅចំណុចក្រុមទី៣ ស្ថិតភូមិថ្នល់បត់ ឃុំអូររំដួល ស្រុកភ្នំ​ព្រឹក ខេត្តបាត់ដំបង។ នេះបើយោងតាមផេក ស្នងការដ្ឋាននគរបាលខេត្តបាត់ដំបង ។

សមត្ថកិច្ចបានឲ្យដឹងថា ករណីនេះបង្កដោយក្រុមក្មេងៗបង្កអាណាធិបតេយ្យចំនួន ០២ក្រុម បានធ្វើសកម្មភាពយកកាំ--បិ--តដា--វ ដេ--ញ កា--ប់ គា្ន ហើយក្នុងពេលធ្វើសកម្មភាពដេញគ្នានេះ មួយក្រុម​បានជិះម៉ូតូលឿនរួចជ្រុលទៅដួលបណ្តាលឱ្យរងរបួ​សដោយខ្លួនឯង និងត្រូវបានក្រុមគ្រួសារនាំយកទៅ​ព្យាបាលនៅមន្ទីរពេទ្យ ។

ទទួលបានព័ត៌មាននេះភ្លាមលោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានដឹក​នាំកម្លាំង ចុះ ទៅដល់ចំណុចកើតហេតុខាងលើដោយរួមជាមួយកម្លាំងប៉ុស្តិ៍នគរបាលរដ្ឋបាលពេជ្រចិន្តា ប៉ុស្តិ៍នគរបាលរដ្ឋបាលភ្នំព្រឹក ប៉ុស្តិ៍នគរបាលរដ្ឋបាលអូររំដួល នៃអធិការដ្ឋាននគរបាលស្រុក ដែ​ល​ នៅកន្លែងកើតហេតុ សមត្ថកិច្ចនគរបាលបានរកឃើញកាំ--បិ--ត--ដា--វដងដែកប្រវែង ៨០ សង់ទី​ម៉ែត្រចំនួន ០១ ដើម នៅទីនោះ។

ក្នុងនោះ ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរ​បាលខេត្ត បាត់ដំបង និងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកអធិការ បានធ្វើការស្រាវជ្រាវនិងកំណត់មុខ​សញ្ញានេះបាន រហូតឈានទៅធ្វើការឃាត់ខ្លួនបានមនុស្សចំនួន ០៦នាក់ ដែលពាក់ព័ន្ធក្នុងករណីខាង​លើនាំមកធ្វើការ សាកសួរនៅអធិការដ្ឋាននគរបាលស្រុកទាំងថ្ងៃទី ១៣និង១៤ ខែ សីហាឆ្នាំ២០២៣ និងរៀបចំកសាងសំណុំរឿងបញ្ជូនមកផែនជំនាញអនុវត្តបន្តតាមនីតិវិធី ច្បាប់៕