រាជធានីភ្នំពេញ ៖ នារីស្រស់ស្អាត៦នាក់ បើករថយន្ដមកឈ្លោះប្រកែកគ្នា រហូតរកប្រើហិង្សា តាមដងផ្លូវរឿង ក្រោយចេញពីក្លឹប ដើរទាក់ជើងគ្នា រហូតផ្អើលពេញផ្លូវ ត្រូវបានកងរាវុធហត្ថខណ្ឌចំការមន ចុះឃាត់ខ្លួនទាំងសងខាង ទៅធ្វើការសួរនាំ។

ហេតុការណ៍នេះកើតឡើងកាលពីវេលាម៉ោង ៤ទៀបភ្លឺ ថ្ងៃទី១៨ ខែសីហា ឆ្នាំ២០២៣ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

តាមសម្ដីនារី៣នាក់ ដែលជិះរថយន្ដតាក់ស៊ី បានអោយដឹងថា មុនពេលកើតហេតុពួកគាត់បានទៅក្លឹបស៊ីផឹករាំលេងសប្បាយ ហើយដើរទៅបន្ទប់ទឹក ដើរទាក់ជើងនិងក្រុមនារីម្ខាងទៀត ហើយក៏មើលមុខដាក់គ្នា និងបានឈ្លោះប្រកែកដាក់គ្នា រហូតសន្ដិសុខដេញចេញក្លឹបទាំងសងខាង ទើបពួកគាត់ ហៅរថយន្ដតាក់ស៊ី ម៉ាកព្រូសមក ជិះចេញពីមុខក្លឹប ស្រាប់តែក្រុមនារីម្ខាងទៀត បើករថយន្ដMG ដែលពាក់ស្លាកលេខ ភ្នំពេញ 2BQ 6178 មកឈប់ក្បែររថយន្ដតាក់ស៊ីដែលពួកគាត់ជិះ ហៅឲ្យចេញពីក្នុងរថយន្ដមកនិយាយគ្នា ពេលចេញមកពីក្នុងរថយន្ដ ក៏បានយកដំបងឆក់ចេញពីក្នុងរថយន្ដMGនោះ ហើយឈ្លោះជាមួយពួកគាត់ រហូតផ្ទុះហឹង្សារដាក់គ្នាទៅវិញទៅមក ផ្អើលដល់សមត្ថកិច្ចកងរាជអាវុធហត្ថខណ្ឌចំការមន ចុះមកដល់មិនដឹងថាអ្នកណាខុស អ្នកណាត្រូវនោះទេ ទើបបានធ្វើការឃាត់កុំឲ្យប្រើហឹង្សាដាក់គ្នាទៀត និងនាំភាគីទាំងសងខាង មានគ្នា ៦នាក់ ទៅសាកសួរ ដើម្បីដោះស្រាយគ្នា ៕ Mrr Ka