ខេត្តបាត់ដំបង ៖ បន្ទាប់ពីបានធ្វើការសាងសង់រួចរាល់ និងបានសម្ពោធដាក់ឱ្យប្រើប្រាស់ជាផ្លូវការ កាលពីថ្ងៃទី១៦ ខែ​សីហា ឆ្នាំ២​០២៣ កន្លងទៅ ក្រោមអធិប​តីភាពដ៏ខ្ពង់​ខ្ពស់សម្តេចក្រឡាហោម ស​ ខេង​ ឧបនាយករដ្ឋមន្រ្តី រដ្ឋមន្រ្តីក្រសួមហា​ផ្ទៃ​ រួចមក​ សួនសម្តេចក្រឡាហោម​ និងវិមានឯករាជ្យដែលមានទីតាំងស្ថិត​នៅប្របមាត់ស្ទឹងសង្កែ​ ក្នុងស​ង្កាត់​ស្វាយប៉ោ​ ក្រុងបាត់ដំបង​ កំពុងទាក់​ទាញនូវចំណាប់អារម្មណ៍ពីសំណាក់ប្រជាពលរដ្ឋ​ ជិត​ ឆ្ងាយ​ ក្មេង​ ចាស់​ ប្រុស​ ស្រី ភ្ញៀវជាតិ​ ភ្ញៀវអន្តរជាតិ​ អញ្ជេីញមកទស្សនាកំសាន្តពិសេស នៅពេលល្ងាច​ បន្ទាប់ពីទី​នោះត្រូវបានបើកភ្លើងចម្រុះ ពណ៌ដ៏ស្រស់ស្រទន់​ និងមានខ្យល់អា​កា​ស​បរិសុទ្ធល្អនា មា ត់ស្ទឹងសង្កែ​ ដដែលមានកំពស់ទឹកគួរជាទីគយគន់ ។

អ្វីដែលបានកត់សម្គាល់នោះគឺការធ្វើចរាចរណ៍​ទៅ​ មក​ ជុំវិញបរិវេណ​នេះពីអ្នកបញ្ជាយាន​ នៅមិនទាន់យល់ពីការធ្វើចរា​ចរ​ណ៍នៅឡើយ​ ព្រោះជាទិសចរា​ចរណ៍ថ្មី​ ដែលទេីបដាក់ឱ្យដំណើរការប្រើប្រាស់​ ដែលកត្តានេះ​ គឺតម្រូវឱ្យមានវត្តមានរបស់មន្រ្តីន គរបាលចរាចរណ៍ស្ថិតនៅទីនោះជាប់ជាប្រ​ចាំ​ ដើម្បីពន្យល់ណែនាំគាត់អំពីទិសដៅចរាចរណ៍ផងនិងរក្សាបាននូវសន្តិសុខ​ សណ្តាប់ធ្នាប់​ សុខសុវត្ថិភាពជូនប្រ ជាពលរដ្ឋដែលមកកំសាន្តនៅទីនេះផង​ ។

ក្នុងនាមជាអ្នកខេត្តបាត់ដំបង​ សូមអបអរសាទរចំពោះសមិទ្ធិផលថ្មី​ ប្រកបដោយភាពទាក់ទាញចំណាប់អារម្ម​ណ៍​ពីមហាជន​ ដែលបានលេចឡើងជា​រូបរាងក្រោមកិច្ចខិតខំប្រឹងប្រែងរបស់ថ្នាក់ដឹកនាំរដ្ឋបាលខេត្តបាត់​ដំបងនិងអង្គភាព​ ស្ថាប័នពាក់ព័ន្ធផ្សេងៗទៀត ពិសេសសូមអរគុណសន្តិភាព ៕