រាជធានីភ្នំពេញ ​៖ បុរសម្នាក់បើករថយន្ដLuxes RX330 មួយគ្រឿងមិនប្រយ័ត្ន បានទៅបុករបាំងថ្មចែកផ្លូវ បណ្ដាលអោយរងការខូចខាតយ៉ាងដំណំ កាលពីវេលាម៉ោង ៤យប់ ថ្ងៃទី២២ ខែសីហា ឆ្នាំ២០២៣ នៅចំណុចតាមបណ្តោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ​។

តាមប្រភពព័ត៌មាន ពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញ បុរសម្នាក់បើករថយន្ដLuxes RX330 មួយគ្រឿង ដែលពាក់ស្លាកលេខ ភ្នំពេញ 2BJ 0343 បើកតាមបណ្ដោយផ្លូវព្រះនរោត្តម ក្នុងទិសដៅពីត្បូងទៅជើង លុះមកដល់ចំណុចកើតហេតុ បើកមិនប្រយ័ត្ន ក៏បានទៅបុករបាំងថ្ម ចែកផ្លូវ បណ្ដាលអោយរងការខូចខាតយ៉ាងដំណំ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ​ បានចុះមកធ្វើការវាស់វែង យករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ​ តាមច្បាប់បន្តទៀត ៕ Mrr Ka