រាជធានីភ្នំពេញ ៖ ម្ដាយបានត្រឹមអង្គុយជូតទឹកភ្នែកនៅក្បែររថយន្តរបស់កូន ខណៈបុរសម្នាក់ បានទុករថយន្ដម៉ាកMG និងដោះស្បែកជើង១គូ នៅលើស្ពានកោះនរោ បង្កការភ្ញាក់ផ្អើលនៅលើស្ពានកោះនរោ ក្នុងសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ វេលាម៉ោង១យប់ ត្រូវនិង ថ្ងៃទី១៥ ខែធ្នូ ឆ្នាំ២០២៣ ។

តាមប្រភពព័ត៌មានពីលោកពូសន្តិសុខ ដែលយាមនៅគល់ស្ពានកោះនរា បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្តស៊េរីទំនើបម៉ាក MG មួយគ្រឿង ដែលពាក់ស្លាកលេខ ភ្នំពេញ 2BS 8007 ធ្វើដំណើរពីកោះនារា ឆ្លងទៅកោះពេជ្រ តែមកដល់ពាក់កណ្ដាលស្ពាន ស្រាប់តែបាត់ខ្លួនមិនឃើញ ឃើញតែរថយន្ត និងស្បែកជើងមួយគូ។

ភ្លាមនោះ ម្ដាយបង្កើតរបស់ម្ចាស់រថយន្ដMG ខាងលើ បងប្អូនបានមកអង្គុយយំនៅក្បែររថយន្ត ដោយមិនដឹងថាកូនប្រុសគាត់បាត់ខ្លួន ចតរថយន្តនិងដោះស្បែកជើងចោល ឬក៏លោតទឹកពីលើស្ពានកោះនរានេះឬយ៉ាងណានោះទេ ខណៈបងប្អូនប្រជាពលរដ្ឋ និង សន្តិសុខដែលប្រចាំការនៅក្នុងកោះពេជ្រ បានចេញទូកនឹងឧប័រ២គ្រឿង ដើម្បីតាមរកបុរសខាងលើ នៅខាងក្រោមស្ពានដែរ តែមិនឃើញ។

ក្រោយពេលកើតហេតុ សមត្ថកិច្ចក៏បានមកដល់បានសាកសួរទៅក្រុមគ្រួសារនិងសាច់ញាតិ និងស្ទូចរថយន្តទៅអធិការនគរបាលខណ្ឌច្បារអំពៅ ដើម្បីរង់ចាំក្រុមគ្រួសារនិងសាច់ញាតិយកតែឯកសាររថយន្តទើបប្រគល់ជូនវិញ ៕ Mrr Ka