ខេត្តបាត់ដំបង៖ ករណីឃាតកម្មដ៏រន្ធត់មួយបានកើតឡើង ដោយកូនចុង បានយកកាំបិត ចាក់សម្លាប់ឪពុកចុង ស្លាប់នៅនឹងកន្លែង ។ នេះបើយោងតាមផេកផ្លូវការរបស់ អគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា នៅថ្ងៃទី១៣ ខែធ្នូ ឆ្នាំ២០២៣ វេលាម៉ោងប្រហែល៦និង៤០នាទីយប់ ចំណុចក្រុមទី៩ ភូមិសាមគ្គី ឃុំពេជ្រចិន្តា ស្រុក​ភ្នំព្រឹក ខេត្តបាត់ដំបង មានករណីឃាតកម្ម (ប្រើប្រាស់កាំបិតចិតបន្លែ) មួយកើតឡើង ដែលបង្កឡើងដោយឈ្មោះ វណ្ណាវី វច្ចណៈ ភេទប្រុស អាយុ៣០ឆ្នាំ រស់នៅភូមិសាមគ្គី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង (ត្រូវជាកូនចុង) បានធ្វើសកម្មភាពប្រើប្រាស់កាំបិត ចិតបន្លែ ចាក់សម្លាប់ លើជនរងគ្រោះឈ្មោះ ហៃ សុភក្រ្តិ ភេទប្រុស អាយុ៦៥ឆ្នាំ រស់នៅភូមិសាមគ្គី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង (ឪពុកចុង) បណ្តាលអោយស្លាប់នៅនិងកន្លែង ។

ឆ្លងតាមការបំភ្លឺរបស់ក្រុមគ្រួសារ បានអោយដឹងថា មូលហេតុឈានដល់ការចាក់សម្លាប់ជនរងគ្រោះដោយសារ មានទំនាស់ក្នុងគ្រួសារ ។

បច្ចុប្បន្ន សមត្ថកិច្ចនគរបាលជំនាញកំពុងស៊ើបអង្កេតស្រាវជ្រាវស្វែងរក និងកំណត់អត្តសញ្ញាណ ជនសង្ស័យ ដើម្បីយកមកអនុវត្តតាមនីតិវិធី-ច្បាប់៕