រាជធានីភ្នំពេញ ៖ ជនសង្ស័យម្នាក់ធ្វើសកម្មភាពលួចរថយន្ត Camry ឆ្លាមរបស់គេ ដែលម្ចាស់ទើបតែត្រឡប់ពីការគេវិញ ចុះបើកទ្វាររបងផ្ទះបានសម្រេច រួចបើករត់គេចខ្លួន ចេញពីក្នុងភូមិសាស្ត្រសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ វេលាម៉ោង១០និង៣០នាទីយប់ ថ្ងៃទី១៥ ខែធ្នូ ឆ្នាំ២០២៣ ត្រូវបានសមត្ថកិច្ចខណ្ឌជ្រោយចង្វារ ធ្វើការឃាត់បាន ភ្លាមបញ្ជូនទៅអធិការនគរបាលខាងជ្រោយចង្វារភ្លាមៗ។
តាមប្រភពព័ត៌មានពីជនរងគ្រោះ ដែលជាម្ចាស់រថយន្ត Camry ឆ្លាម ដែលពាក់ស្លាកលេខ ភ្នំពេញ 2L 8029 បានឲ្យដឹងថា មុនពេលកើតហេតុ គាត់ទើបតែចេញពីហូបការបងប្អូន រួចបើករថយន្តត្រឡប់មកផ្ទះវិញ ស្រាប់តែរៀបនឹងចាក់សោរចូលផ្ទះ ភ្លាមនោះក៏ត្រូវបានជនសង្ស័យដើរមកលួចបើកទ្វាររថយន្តរបស់គាត់ ហើយបើករថយន្ដរត់គេចខ្លួនចេញពីក្នុងបុរីមួយកន្លែងនៅម្ដុំ បុរីសន្តិភាព២។
ភ្លាមនោះជនរងគ្រោះក៏បានប្ដឹងទៅសមត្ថកិច្ច ឲ្យប្រកាសតាមចាប់រថយន្តខាងលើនោះ។
ក្រោយពីទទួលដំណឹងនោះភ្លាម កម្លាំងសមត្ថកិច្ចនៃស្នងការដ្ឋាននគរបាលរាជធានភ្នំពេញ ទទួលបានព័ត៌មាននេះភ្លាម បានប្រញាប់ប្រកាសតាម វិទ្យុទាក់ទងទាំង១៤ ខណ្ឌ បើសិនជាឃើញរថយន្ដត្រូវឃាត់ភ្លាម ពេលនោះសង្ស័យក៏បានជិះរថយន្តខាងលើទៅដល់គោលដៅរឹតបណ្តឹងច្បាប់ចរាចរណ៍ផ្លូវគោកខណ្ឌជ្រោយចង្វារ ក៏ត្រូវបានសមត្ថកិច្ចអធិការនគរបាលខណ្ឌខណ្ឌជ្រោយចង្វារឃាត់ខ្លួនបាន និងនាំខ្លួនជនសង្ស័យទៅអធិការនគបាលខណ្ឌជ្រោយចង្វាដើម្បីសួរនាំតែម្តង ។
ក្រោយកើតហេតុសមត្ថកិច្ចខណ្ឌជ្រោយចង្វារក៏ទាក់ទងទៅខណ្ឌពោធិ៍សែនជ័យ ដើម្បីទំនាក់ទំនងរកជនរងគ្រោះ ឲ្យមកទទួលយករថយន្ត និងបញ្ជូនជនសង្ស័យ ទៅអធិការនគរបាលខណ្ឌពោធិ៍សែនជ័យដែលជាម្ចាស់ករណីវិញ ដើម្បីធ្វើតាមនិតិវិធីច្បាប់ ៕ Mrr Ka
