រាជធានីភ្នំពេញ ៖ សូមប្អូនៗយុវជនដ៏ទៃទៀត កុំយកគំរូតាម ទង្វើបែបនេះគ្មានអ្នកណាគេមកសរសើរទេប្អូន នៅក្មេងៗគួរខិតខំរៀនសូត្រក្រេបយកចំណេះវិជ្ជារ ខំប្រឹងធ្វើការងារសុច្ចរិតត្រឹមត្រូវ យប់ព្រលប់ចូលដេកពួន មិនគួរម៉ោង២យប់ទៅហើយ អត់ដេកពួនទេ បែរជានាំគ្នាបង្ហោះម៉ូតូយ៉ាងអណាធិបតេយ្យពេញលើផ្លូវសាធារណៈ មិនខ្លាចបង្កគ្រោះថ្នាក់ដល់អ្នកដ៏ទៃទាល់តែសោះ ។
តួយ៉ាង ខណៈកំពុងបង្ហោះម៉ូតូ ក៏ត្រូវបានសមត្ថកិច្ចនៅគោលដៅគល់ស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ រាជធានីភ្នំពេញ បានឃើញ ក៏ឃាត់ខ្លួន ហើយប្រើធម៌ក្តៅឲ្យក្មេងទំនើងដែលបង្ហោះម៉ូតូនេះ លើកសែងម៉ូតូជុំវិញរង្វង់មូលគល់ស្ពានជ្រោយចង្វារ មុខនឹងប្រជាពលរដ្ឋដែលធ្វើដំណើរតាមដងផ្លូវឲ្យបានឃើញ និងចេះខ្មាស់គេ ភ្ញាក់រលឹក កុំប្រព្រឹត្តទង្វើមិនល្អដែលសង្គមស្អប់ខ្ពើម ហើយកែប្រែខ្លួនឡើងវិញ ធ្វើជាបុគ្គលល្អ ធ្វើជាទំពាំងល្អក្នុងសង្គម ៕ នុច
