ខេត្តកំពង់ធំ ៖ មានបងប្អូនណាបាត់សាច់ញាតិ ឬសមាជិកគ្រួសារដែលទេ ខណៈសមត្ថកិច្ចនៃស្នងការដ្ឋាននគរបាលខេត្តកំពង់ធំ បានប្រកាសរកសាច់ញាតិ របស់សាកសពបុរសម្នាក់ ។

ក្នុងនោះយោងតាមផេក ស្នងការដ្ឋាននគរបាលខេត្តកំពង់ធំ បង្ហោះនៅព្រឹកថ្ងៃទី១៦ ខែធ្នូ ឆ្នាំ២០២៣ សូមជម្រាបជូនមហាជនបានជ្រាបថា កាលពីថ្ងៃទី១៤ ខែធ្នូ ឆ្នាំ២០២៣ យើងបានប្រទះឃើញសាកសពមនុស្សប្រុសម្នាក់ អណ្តែតទឹកនៅប្រឡាយទំនប់១មករា ភូមិស្រងែ ឃុំបល្ល័ង្គ ស្រុកបារាយណ៍ ដោយពុំស្គាល់អត្តសញ្ញាណ​ ។

ដូច្នេះសូមក្រុមគ្រួសារសាច់ញាតិមិត្តភក្តិបានឃើញ សូមទាក់ទងតាមលេខទូរស័ព្ទ​៖ 085457979 : 017456645 : 0885568789 ៕