ខេត្តបាត់ដំបង ៖ តាមប្រភពព័ត៌មានបឋម បានឲ្យដឹងថា មានហេតុការណ៍ដ៍រន្ធត់មួយបានកើតឡើង ដោយ សិស្សសាលាប្រុសស្រី ៦នាក់ រៀននៅវិទ្យាល័យត្រែង នាំគ្នាមកលេងទឹកស្ទឹងនៅចំណុចខាងក្រោមពហុបំណង ហៅ សេកសក ខេត្តបាត់ដំបង ស្រាប់តែលង់ទឹកទាំងអស់គ្នា ។​

ហេតុការណ៍នេះបានកើតឡើងនៅវេលាម៉ោង១០និង៣០នាទីព្រឹកថ្ងៃទី១៦ ខែធ្នូ ឆ្នាំ២០២៣ នៅភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង។

ព័ត៌មានបឋមដែលទទួលបានពីទីតាំងកើតហេតុ ក្នុងករណីនេះ ក្មេង៥នាក់ត្រូវបានរកឃើញ តែអកុសល ៣នាក់បានស្លាប់ ២នាក់ទៀតមានជីវិតត្រូវបានបញ្ជូនទៅសង្គ្រោះបន្ទាន់ ដោយឡែកម្នាក់ទៀតកំពុងបាត់ខ្លួន ខណៈក្រុមគ្រួសារ និងសាច់ញាតិ ក៏ដូចជាសមត្ថកិច្ច អាជ្ញាធរ កំពុងជួយសង្គ្រោះរាវរកបន្ត ។

ព័ត៌មានលម្អិតយ៉ាងណានោះ នឹងផ្សាយជូនបន្តទៀត ៕ មេសា