រាជធានីភ្នំពេញ ៖ បុរសម្នាក់បើករថយន្ត Hyandai របស់ក្រុមហ៊ុនវីរៈ ប៊ុនថាំ មួយគ្រឿង បុកបង្គោលគីឡូម៉ែត្រលេខ១១ បណ្ដាលឲ្យរថយន្តក្រឡាប់ផ្ងារជើងច្រង៉ាង សំណាងល្អមនុស្សមិនអី ដែលស្ថិតនៅតាមបណ្ដោយផ្លូវជាតិលេខ៦A ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ វេលាម៉ោង១១យប់ ត្រូវនឹងថ្ងៃទី២០ ខែធ្នូ ឆ្នាំ២០២៣ ។
តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុគេ បានឃើញបុរសម្នាក់បើករថយន្ត Hyandai របស់ក្រុមហ៊ុនវីរៈ ប៊ុនថាំ មួយគ្រឿងដែលពាក់ស្លាកលេខ ភ្នំពេញ 2BR-1545 បើកតាមបណ្ដោយផ្លូវជាតិលេខ៦អា ក្នុងទិសដៅពីជើងទៅត្បូង មកដល់កន្លែងហេតុ ក៏បានបើករេចង្កូតទៅបុកបង្គោលគីឡូលេខ១១បណ្ដាលឲ្យរថយន្តក្រឡាប់ផ្ងារជើងច្រង៉ាង សំណាងល្អមនុស្សមិនអី ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្តខាងលើ ទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់បន្តទៀត ៕ Mrr Ka
