រថយន្តឡង់គ្រឺស័រមួយគ្រឿង បុករះកន្លែងបង់ប្រាក់ចូលផ្សារទំនើបមួយកន្លែង រងការខូចខាតយ៉ាងដំណំ
រាជធានីភ្នំពេញ ៖ រថយន្តឡង់គ្រឺស័រមួយគ្រឿង បុករះកន្លែងបង់ប្រាក់ចូលផ្សារទំនើបមួយកន្លែង បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ២យប់ថ្ងៃទី២៣ ខែធ្នូ ឆ្នាំ២០២៣ នៅចំណុចតាមបណ្ដោយផ្លូវជាតិលេខ៥ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញរថយន្តឡង់គ្រីស័រ ស៊េរីទំនើមួយគ្រឿង ដែល ពាក់ស្លាកលេខ រដ្ឋ06 2-7171 បើកតាមបណ្ដោយផ្លូវជាតិ៥ លុះដល់ចំណុចកើតហេតុ ក៏បុករះកន្លែងបង់ប្រាក់ចូលផ្សារទំនើបមួយកន្លែង បណ្ដាលរងការខូចខាយ៉ាងដំណំ។ ភ្លាមនោះអ្នកបើករថយន្ដបានគេចចេញពីកន្លែងកើតហេតុបាត់ សល់តែរថយន្តប៉ុណ្ណោះ ។
ក្រោយកើតហេតុ សមត្ថកិច្ចបានធ្វើការវាស់វែង យករថយន្តទៅរក្សាទុកនៅអធិការនគរបាលខណ្ឌឬស្សីកែវ រង់ចាំម្ចាស់ចូលមកដោះស្រាយទៅតាមផ្លូវច្បាប់ ៕ Mrr Ka
