ខេត្តតាកែវ ៖ ផ្ទះប្រជាពលរដ្ឋមួយខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅខ្ទេចទាំងស្រុង បង្កការភ្ញាក់ផ្អើលកាលពីវេលាម៉ោង ៦ និង ២០ នាទីព្រឹក ថ្ងៃទី២៣ ខែធ្នូ ឆ្នាំ២០២៣ ស្ថិតនៅក្នុងភូមិតាំងដូង ឃុំតាំងដូង ស្រុកបាទី ខេត្តតាកែវ ។

សមត្ថកិច្ចបានឲ្យដឹងថា ម្ចាស់ផ្ទះដែលឆេះនេះមានឈ្មោះ ចុះ សារ៉ន ភេទប្រុស អាយុ ៥១ ឆ្នាំ មុខរបរកសិករ និងប្រពន្ធឈ្មោះ ពុយ ស្រីតូច មានទីលំនៅភូមិតាំងដូង ឃុំតាំងដូង ស្រុកបាទី ខេត្តតាកែវ ។

ក្នុងនោះដែរ អគ្គិភ័យនេះ បានឆេះផ្ទះទំហំ 5×7 ប្រក់ក្បឿង ជញ្ជាំងក្ដារ និងសម្ភារៈខូចខាតមានដូចជា៖

- ទូទឹកកក ចំនួន ១គ្រឿង

- ទូដាក់ចាន ចំនួន ១ និងចានឆ្នាំងមួយចំនួន

- ទូឈើ ១ ទំហំ 3×1.70 (ដាក់ខោអាវ)

- ទូកញ្ចក់ ១ ទំហំ 2×1.50 (ដាក់ខោអាវ)

- គ្រែប្រអប់ ១ ទំហំ 1.80× 2 ម ។

ចំណែកមូលហេតុ ផ្ទុះសេខ្សែភ្លើង។

ភ្លាមៗ កម្លាំងជំនាញបានប្រើប្រាស់ឡានទឹកចំនួនមួយគ្រឿង និងបាញ់ទឹកអស់មួយធុង ទើបរលត់ទៅវិញជាស្ថាពរ មិនមានឆេះរាលដាលដល់ផ្ទះអ្នកជិតខាងឡើយ និងមិនបង្ករគ្រោះថ្នាក់ដល់មនុស្ស និងសត្វ នោះឡើយ ៕