រាជធានីភ្នំពេញ ៖ បុរសជនបរទេសម្នាក់ បើករថយន្ដឡង់គ្រីស័រ បុកជារថយន្ដឡិចស៊ីស RX330 បុកត្រង់ចំណុចផ្លូវបំបែកជាបួន បណ្ដាលឲ្យរថយន្ដឡិចស៊ីស ក្រឡាប់ផ្ងារជើងច្រង៉ាង កាលពីវេលាម៉ោង១២យប់ ត្រូវនឹងថ្ងៃទី៣០ ខែធ្នូ ឆ្នាំ២០២៣ នៅតាមបណ្ដោយផ្លូវ៣១៧ កែងផ្លូវ៥៦៦ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសជនជាតិបរទេសម្នាក់ បើករថយន្ដឡង់គ្រីស័រ ពាក់ស្លាកលេខ ភ្នំពេញ 2AH-3332 ធ្វើដំណើរតាមបណ្ដោយផ្លូវ៣១៧ ក្នុងទិសដៅពីត្បូងទៅជើង មកដល់ចំណុចកើតហេតុ ក៏បានបុកជាមួយរថយន្ដឡិចស៊ីស RX330 ពាក់ស្លាកលេខ ភ្នំពេញ 2AB-4439 បុកត្រង់ចំណុចផ្លូវបំបែកជាបួន បណ្ដាលឲ្យរថយន្ដឡិចស៊ីសក្រឡាប់ផ្ងារជើងតែម្តង ។
ក្រោយកលតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្ដទាំង២គ្រឿង ទៅរក្សាទុក រង់ចាំការដោះស្រាយនៅពេលក្រោយតាមច្បាប់បន្តទៀត ៕ Mrr Ka
.jpg?1703913023)
