រាជធានីភ្នំពេញ៖ បុរសម្នាក់បើករថយន្ដ TOYOTA HILUX RALLY មួយគ្រឿង បើកបត់ បុកជាមួយម៉ូតូ HONDA CLICK បណ្ដាលឲ្យរងការខូចខាតបន្តិចបន្តួច តែប្រកែកគ្នាបែកផ្សែង បង្កការភ្ញាក់ផ្អើល កាលពីវេលាម៉ោង៩យប់ ថ្ងៃទី២៩ ខែធ្នូ ឆ្នាំ២០២៣ នៅតាមបណ្ដោយផ្លូវ១០១១ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដ TOYOTA HILUX RALLY ពាក់ស្លាកលេខ ភ្នំពេញ 2BF-6855 បើកបត់បុកជាមួយម៉ូតូ HONDA CLICK ពាក់ស្លាកលេខ ភ្នំពេញ 1HE-3945 បណ្ដាលឲ្យរងការខូចខាតបន្តិចបន្តួច តែប្រកែកគ្នាបែកផ្សែង ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែង យករថយន្ដនិងម៉ូតូទៅរក្សាទុក រង់ចាំការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
