ខេត្តកំពង់ស្ពឺ ៖ យោងតាមផេក ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា មួយលានសំណាង មួយលានគ្រោះ ! រថយន្តបុករបាំងឃាំងចិញ្ចើមផ្លូវល្បឿនលឿន ដោតដូចត្រីអាំង រាប់ម៉ែត្រ មនុស្សមិនអី ។
ហេតុការណ៍នេះបានកើតឡើងនៅ ថ្ងៃទី២៩ ខែធ្នូ ឆ្នាំ២០២៣ លើផ្លូវល្បឿនលឿន គីឡូម៉ែត្រលេខ ៨៩-៩០ ។
សមត្ថកិច្ចបានឲ្យដឹងថា រថយន្តមួយគ្រឿង ម៉ាក TOYOTA ប្រភេទទេសចរណ៍ ពណ៌សបើកបរដោយជនបរទេស ក្នុងទិសដៅពី ភ្នំពេញ ឆ្ពោះទៅខេត្តព្រះសីហនុ ដោយរថយន្តបានជួបឧបទ្ទវហេតុគ្រោះថ្នាក់ដ៏រន្ធត់បំផុត មិនដែលកើតមាន គឺបុករនាំងឃាំងចិញ្ចើមផ្លូវល្បឿនលឿន ទម្លុះពីក្បាលរហូតឃ្លុបក្រោយរថយន្ដ ធ្លាយដែកមកខាងក្រោយ ដូចដោតមាន់អាំង រាប់ម៉ែត្រ តែសំណាងល្អមិនសម្លាប់មនុស្ស ឬអ្នកជិះក្នុងរថយន្ត ។
ករណីខាងលើសមត្ថកិច្ចនគរបាល បានអន្ដរាគមន៍ ជួយសង្គ្រោះ ជនរងគ្រោះ និងបន្ដនីតិវិធីទុកជូនក្រុមហ៊ុននិងភាគីម្ចាស់រថយន្ដពិនិត្យលើផ្លូវច្បាប់( សំណងនៃការបង្កអោយមានព្យសនៈកម្មដែលបណ្ដាលមកពីការបើកបរឆ្វេសប្រហែស ) ពាក់ព័ន្ធផ្លូវច្បាប់ គឺសមត្ថកិច្ចនគរបាលចរាចរណ៍ បន្ដអនុវត្ដតាមនីតិវិធីច្បាប់ រឿងរ៉ាវពិតប្រាកដនិងបន្ដស្រាវជ្រាវព័ត៌មានបន្ថែម… ៕
