រាជធានីភ្នំពេញ ៖ នារី​ជនបរទេស​ម្នាក់ ​បើក​រថយន្ដ​ស៊េរី​ទំនើប​ Forting ​បត់​ត្រឡប់​ក្រោយ​មិន​ប្រុង​ប្រយ័ត្ន​ ជ្រុល​ទៅ​បុក​រថយន្ដ​ CAMRY បណ្ដាលឲ្យ​រងការ​ខូចខាត​យ៉ាងដំណំ កាលពីវេលាម៉ោង ១០​យប់ ថ្ងៃ​ទី​៥ ខែមករា​ ឆ្នាំ​២០២៤​ នៅតាម​បណ្ដោយ​ផ្លូវ​១០០៣​ សង្កាត់​ឃ្មួញ​ ខណ្ឌ​សែនសុខ​ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានហើយដឹងថា មុនពេលកើតហេតុ គេបានឃើញនារី​ជនបរទេស​​ម្នាក់ ​បើក​រថយន្ដ​ ស៊េរី​ទំនើប​ Forting ពាក់​ស្លាក​លេខ​ ភ្នំពេញ​ 2BS-5014 ​បត់​ត្រឡប់​ក្រោយ​មិន​ប្រយ័ត្ន​ ជ្រុល​ទៅ​បុក​រថយន្ដ​ CAMRY ពាក់​ស្លាក​លេខ​ ភ្នំពេញ​ 2BR-5087 បណ្ដាលឲ្យ​រងការ​ខូចខាត​យ៉ាងដំណំតែម្តង ។

ក្រោយ​​កើត​ហេតុ ភាគី​ខាង​រថយន្ដ​ដែលបើកដោយជនបរទេស បាន​ចេញ​ថ្លៃ​ជួសជុល​រថយន្ដ​CAMRY ចំនួន ២៣០០ដុល្លារ ដើម្បី​បញ្ចប់​រឿង​ ៕ Mrr Ka