ខេត្ត​កំពង់​ចាម​៖ អគ្គិភ័យឆាបឆេះផ្ទះ​ប្រជាពលរដ្ឋ​មួយ​កន្លែង​មួយកន្លែង យ៉ាងសន្ធោសន្ធៅ កាលពីវេលាលម៉ោង ៧ និង៤០នាទីព្រឹក ថ្ងៃទី៤ ខែមករា ឆ្នាំ២០២៤ នៅចំណុចភូមិណាំកិន ឃុំ​ មៀន ស្រុក​ ព្រៃឈរ ខេត្ត​ កំពង់ចាម ។ នេះបើយោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា ម្ចាស់ផ្ទះឈ្មោះ ណៃ សេង ភេទ​ ស្រី អាយុ ៦២ ឆ្នាំ ជនជាតិ​ ខ្មែរ (ស្រ្តីមេម៉ាយ) រស់នៅភូមិណាំកិន ឃុំ​ មៀន ស្រុក​ ព្រៃឈរ ខេត្ត​ កំពង់ចាម​ បណ្តាលឲ្យឆេះខូចខាត ផ្ទះមានទំហំ ៨x១៣ ម៉ែត្រ សង់ពីឈើ ប្រក់ក្បឿងជញ្ជាំងក្តាចាក់បេតុងក្រោមឆេះអស់ទាំងស្រុង មាសចំនួន​ ០៣ តំឡឹង ប្រាក់​ចំនួន​ ០៣ លានរៀល អីវ៉ាន់ចាប់ហួយក្នុងផ្ទះតម្លៃប្រមាណ ០៦ លានរៀល ប្លង់ដី ប្លង់ផ្ទះ និង សម្ភារៈប្រើប្រាស់មួយចំនួន ។

ចំណែកមូលហេតុ សមត្ថកិច្ចបញ្ជាក់ថា បណ្តាលមកពីឆ្លងចរន្តអគ្គីសនី ។

សូមបញ្ជាក់ថា ក្នុងករណីខាង​លើនេះមិនបណ្ដាលអោយមានរបួសដល់មនុស្សនោះទេ ដោយកងកម្លាំង​បង្ការ​ពន្លត់​អគ្គិភ័យ​និង​សង្គ្រោះ​បានប្រើប្រាស់រថយន្ដពន្លត់អគ្គីភ័យចំនួន ០៣ គ្រឿង ស្រុកព្រៃឈរចំនួន ០២ គ្រឿង និងស្រុកកងមាសចំនួន ០១ គ្រឿង និងប្រើប្រាស់អស់ទឹកចំនួន ០៣ រថយន្ត រហូតរលត់អស់១០០% នៅវេលាមោង ០៨និង៥៥ នាទីព្រឹក​ នា​ថ្ងៃ​ខែ​ឆ្នាំ​ដដែល​ ៕