រាជធានីភ្នំពេញ ៖ បុរសម្នាក់បើករថយន្តបែនដឹកដីលឿនអកហ្សឺ ត្រូវរថយន្តLexusRX300 បើកបត់ឆ្លងផ្លូវ បុកចំពីចំហៀងខាងស្តាំ ផ្នែកខាងមុខ រួចបន្តបុករបាំងថ្មចែកទ្រូងផ្លូវយ៉ាងដំណំ កាលពីវេលាម៉ោង ១០និង៣០យប់ ថ្ងៃទី០៦ ខែមករា ឆ្នាំ២០២៣ នៅលើផ្លូវ២១៧ សង្កាត់វាលវង់ ខណ្ឌ៧មករា រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តបែនដឹកដី ដែលពាក់ស្លាកលេខ ភ្នំពេញ 3D 5987 បើកតាមបណ្ដោយផ្លូវ ២១៧ ក្នុងទិសដៅពីលិចមកកើត ក្នុងលឿនអកហ្សឺ ពេលនោះក៏មាន រថយន្តLexusRX300 បើកបត់ឆ្លងផ្លូវ ជ្រុលបុកចំពីចំហៀងខាងស្តាំផ្នែកខាងមុខ រួចបន្តបុករបាំងថ្ម អស់ជាច្រើនកង់តែម្តង ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានធ្វើការវាស់វែង យករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka
