រាជធានីភ្នំពេញ ៖ បុរសម្នាក់បើករថយន្តព្រូស បុកឃឿនសួនចែកទ្រូងផ្លូវ ហោះទៅបុកនឹងបង្គោលភ្លើង បណ្តាលឲ្យក្រឡាប់ផ្ងារជើង ភ្លាមនោះ រថយន្តដឹកសំរាមមួយគ្រឿងទៀតគេចពីរថយន្តព្រូសដែលក្រឡាប់នេះ បួងចង្កូតទៅបុកដើមឈើនិងរបងផ្ទះប្រជាពលរដ្ឋបណ្ដាលរងការខូចខាតមួយតង់ថែមទៀត ។
ហេតុការណ៍នេះ បានកើតឡើងនៅតាមបណ្ដោយផ្លូវជាតិលេខ៦A សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ វេលាម៉ោង១និង៤០នាទីរំលងអាធ្រាត្រ ឈានចូលថ្ងៃទី០៧ ខែមករា ឆ្នាំ២០២៤ ។
តាមប្រភពព័ត៌មានពីបងប្អូនប្រជាពលរដ្ឋ បានហើយដឹងថា មុនពេលកើតហេតុ គេបានឃើញបុរសម្នាក់ បើករថយន្ត ព្រូស ពាក់ស្លាកលេខ ភ្នំពេញ 2BQ-1397 បើកតាមបណ្ដោយផ្លូវជាតិលេខ ៦អា ក្នុងទិសដៅពីត្បូងទៅជើង លុះដល់ចំណុចកើតហេតុ ក៏បុកឃឿនសួនចែកផ្លូវ ហើយហោះទៅបុកបង្គោលភ្លើង បណ្តាលឲ្យក្រឡាប់ផ្ងាជើង ភ្លាមនោះ រថយន្តដឹកសំរាមមួយគ្រឿងទៀតគេចពីរថយន្តព្រូសដែលក្រឡាប់នេះ បួងចង្កូតទៅបុកដើមឈើនិងរបងផ្ទះប្រជាពលរដ្ឋបណ្ដាលរងការខូចខាតមួយតង់ថែមទៀត ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr ka
