រាជធានីភ្នំពេញ ៖ ក្មេងស្ទាវមួយក្រុម ដេញកាប់យុវជន២នាក់ជិះម៉ូតូសង់ រហូតភ័យពេកនាំគ្នាជិះរត់ មកបុកជាមួយរថយន្ដស៊េរីទំនើប Chavrolet បណ្ដាលឲ្យយុវជនម្នាក់រងរបួសធ្ងន់ និងម្នាក់រងរបួសស្រាល។
ហេតុការណ៍នេះបានកើតឡើងនៅតាមបណ្ដោយផ្លូវសហព័ន្ធរុស្ស៊ី ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ វេលាម៉ោង២និង២០នាទី រំលងអធ្រាត្រ ឈានចូល ថ្ងៃទី៩ ខែមករា ឆ្នាំ២០២៤។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញក្មេងស្ទាវមួយក្រុម ដេញកាប់យុវជន២នាក់ ជិះម៉ូតូ HONDA Dream ពាក់ស្លាកលេខ តាកែវ 1X-9794 ដោយយុវជនទាំង២នាក់នោះ ក៏បានជិះម៉ូតូរត់មកបុករថយន្ដស៊េរីទំនើប Chavrolet ពាក់ស្លាកលេខ ភ្នំពេញ 2BJ-1518 បណ្ដាលឲ្យយុវជនម្នាក់រងរបួសធ្ងន់និងម្នាក់រងរបួសស្រាលតែម្តង
ក្រោយកើតហេតុ ដោយសារជាខ្មែរដូចគ្នា និងអាណិតព្រោះគ្មានចេតនា ដោយសារតែមានគេដេញវាយដែរ ទើបមកបុករថយន្តស៊េរីទំនើបខាងលើ ម្ចាស់រថយន្តមិនបានទាមទារសំណងអ្វីពីយុវជនទាំង២នាក់នោះទេ សុខចិត្តយករថយន្តទៅជួសជុលដោយខ្លួនឯង ៕ Mrr Ka
.jpg?1704765662)
.jpg?1704765674)
