រថយន្ត Hilux Rally បុកជាមួយរថយន្ត FORD Ranger រងការខូចខាតយ៉ាងដំណំ
រាជធានីភ្នំពេញ ៖ បុរសម្នាក់បើករថយន្ត Hilux Rally មួយគ្រឿង បុកជាមួយរថយន្ត FORD Ranger បណ្ដាលរងការខូចខាតយ៉ាងដំណំ។
ហេតុការណ៍នេះ ស្ថិតចំណុចស្តុបបេកាសេ សង្កាត់ស្រះចក ខណ្ឌដូនពេញ រាជធានីភ្នំពេញ វេលាម៉ោង៣និង៤៥នាទីទៀបភ្លឺ ថ្ងៃទី៩ ខែមករា ឆ្នាំ២០២៤ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត Hilux Rally ពាក់ស្លាកលេខ ភ្នំពេញ 2BY-9496 លុះដល់ចំណុចត្រង់ស្តុប BKC ក៏បានបុកគ្នាជាមួយរថយន្ត FORD Ranger ពាក់ស្លាកលេខភ្នំពេញ 2BI-6333 បណ្ដាលរងការខូចខាតយ៉ាងដំណំតែម្តង ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានធ្វើការវាស់វែង យករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka
