រាជធានីភ្នំពេញ ៖ រថយន្ដ Ford Ranger ពីគ្រឿងបុកគ្នាពេញទំហឹង បណ្ដាលឲ្យរថយន្ដ រងការខូចខាតយ៉ាងដំណំ កាលពីវេលាម៉ោង ១០យប់ ថ្ងៃទី០៩ ខែមករា ឆ្នាំ២០២៤ ស្ថិតតាមបណ្ដោយផ្លូវ៥០ម៉ែត្រ សង្កាត់ព្រៃស ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដFord Ranger ពាក់ស្លាកលេខ សៀមរាប 2B-5735 តាមបណ្តោយផ្លូវ៥០ម៉ែត្រ ក្នុងទិសដៅពីលិចមកកើត លុះដល់ចំណុចកើតហេតុ ក៏បើកបុកជាមួយរថយន្ដFord Ranger មួយគ្រឿង ពាក់ស្លាកលេខ ភ្នំពេញ 2BP-5931 ពេញទំហឹងក្នុងទិសដៅបញ្ច្រាសទិសគ្នា បណ្ដាលឲ្យរថយន្ដរងការខូចខាតយ៉ាងដំណំ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយករថយន្ដទាំង២គ្រឿងទៅរក្សាទុក រង់ចាំការដោះស្រាយនៅពេលក្រោយតាមច្បាប់បន្តទៀត ៕ Mrr Ka
