រាជធានីភ្នំពេញ ៖ កម្លាំងអធិការនគរបាលខណ្ឌជ្រោយចង្វារ សហការគ្នាជាមួយនឹងកម្លាំងគណៈបញ្ជាការឯកភាពខណ្ឌជ្រោយចង្វារ ធ្វើការឃាត់ខ្លួនបានមនុស្ស៣នាក់ បញ្ជូនទៅអធិការដ្ឋាននគរបាលខណ្ឌ កាលពីយប់ថ្ងៃទី១២ ខែមករា ឆ្នាំ២០២៤ ។

តាមប្រភពព័ត៌មានពីកម្លាំងសមត្ថកិច្ចនៃអធិការនគរបាលខណ្ឌជ្រោយចង្វារ បានឲ្យដឹងថា កម្លាំងរបស់លោក បានទទួលដំណឹងពីកម្លាំងគណៈបញ្ជាការឯកភាពខណ្ឌជ្រោយចង្វារ ថាការលួចប្រើប្រាស់ថ្នាំញៀន ទើបចុះទៅដល់ទីតាំងខាងលើ និងឈានដល់ការឃាត់ខ្លួនជនសង្ស័យបុរសស្រី ចំនួន៣នាក់ ដែលបានប្រើប្រាស់គ្រឿងញៀននៅលើផ្លូវបេតុងមួយកន្លែង ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ។

បើតាមចម្លើយសារភាពរបស់បុរសខាងលើ គាត់ពិតជាបានទៅទិញថ្នាំញៀនយកមកប្រើប្រាស់ពិតប្រាកដមែន ទើបត្រូវបានកម្លាំងគណៈបញ្ជាការឯកភាពធ្វើការល្បាតនៅពេលយប់ ធ្វើការឃាត់ខ្លួនពួកគាត់ពិតប្រាកដមែន។

ភ្លាមនោះកម្លាំងគណៈបញ្ជាការឯកភាពខណ្ឌជ្រោយចង្វារ បានប្រគល់និងនាំខ្លួនអ្នកដែលបានប្រើប្រាស់គ្រឿងញៀនខាងលើនោះ ឲ្យទៅកម្លាំងសមត្ថកិច្ចនៃអធិការនគរបាលខាងជ្រោយចង្វារ យកទៅធ្វើការសាកសួរនាំធ្វើតាមនិតិវិធីច្បាប់ ៕ Mrr Ka