រាជធានីភ្នំពេញ ៖ បុរសម្នាក់ជិះម៉ូតូ​ PCX មិនប្រយ័ត្នមួយគ្រឿងទៅបុកជាមួយរថយន្ត​ Mercedes កំពុងបត់ឆ្លងផ្លូវ បណ្ដាលឲ្យម៉ូតូគាបជាប់ជាមួយរថយន្ត រងការខូចខាតយ៉ាងដំណំ ។ ​

ហេតុការណ៍​នេះបានកើតឡើង នៅវេលា​ម៉ោង​៩និង៤៥នាទីយប់​ ថ្ងៃ​ទី​១៣​ ខែមករា​ ឆ្នាំ​២០២៤ តាមបណ្ដោយផ្លូវ​៦១៦​ សង្កាត់​ស្រះចក​ ខណ្ឌ​ដូនពេញ​ រាជធានី​ភ្នំពេញ​ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ ជិះម៉ូតូ​ PCX ពាក់ស្លាកលេខ ភ្នំពេញ​ 1HX-9216 បើកតាមបណ្ដោយផ្លូវR6 ក្នុងទិសដៅពីកើតមកលិច លុះដល់ចំណុចកើតហេតុ ក៏បុករថយន្ត​ Mercedes ពាក់ស្លាកលេខ ភ្នំពេញ​ 2AY-1208 ដែលកំពុងបត់ឆ្លងផ្លូវ បណ្ដាលឲ្យម៉ូតូជាប់នឹងរថយន្ដដូចគេចាប់ដាក់ រងការខូចខាតយ៉ាងដំណំ។

ក្រោយកើតហេតុ ភាគីទាំងសងខាង បានសម្រួលគ្នាបញ្ចប់រឿងនៅកន្លែងកើតហេតុ ៕ Mrr Ka