ជនសង្ស័យម្នាក់ ពាក់ព័ន្ធនឹងករណីហិ....ង្សា ត្រូវសមត្ថកិច្ចឃាត់ខ្លួន
រាជធានីភ្នំពេញ៖ កម្លាំងអធិការដ្ឋាននគរបាលខណ្ឌដង្កោ ធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីហិង្សាដោយចេតនា កាលពីវេលាម៉ោង១ និង៣០នាទីរសៀល ថ្ងៃទី១៨ ខែមករា ឆ្នាំ២០២៤ ត្រង់ចំណុចផ្ទះគ្មានលេខ ស្ថិតនៅ ភូមិព្រៃវែងខាងកើត សង្កាត់ព្រៃវែង ខណ្ឌដង្កោ រាជធានីភ្នំពេញ។ នេះបើយោងតាមផេក ស្នងការដ្ឋាននគរបាលរាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យរូបនេះមានឈ្មោះ ជួប រ៉ាដា ភេទប្រុស ជនជាតិខ្មែរ មុខរបរមិនពិតប្រាកដ ទីលំនៅភូមិព្រៃវែង ខាងកើត សង្កាត់ព្រៃវែង ខណ្ឌដង្កោ រាជធានីភ្នំពេញ (មានសារធាតុញៀន) ត្រូវបានឃាត់ខ្លួនពាក់ព័ន្ធករណីហិង្សាដោយចេតនា ប្រព្រឹត្តល្មើសកាលពីថ្ងៃទី១៧ ខែមករា ឆ្នាំ២០២៤ វេលាម៉ោង២០:២០នាទី។
ក្នុងនោះសមត្ថកិច្ចដកហូតបាន ដំបងឈើមូល ពណ៌សូកូឡា ប្រវែង៤៥សង់ទីម៉ែត្រ ចំនួន០១។
បច្ចុប្បន្នជនសង្ស័យកំពុងឃាត់ខ្លួនជាបណ្ដោះអាសន្ន ដើម្បីចាត់ការតាមនីតិវិធី៕
