ខេត្តកំពត ៖ នៅលើបណ្តាញសង្គមមានការស៊ែរ.ត ព្រោងព្រាត ហួសចិត្ត ខឹងសម្បារជាខ្លាំង ទៅនឹងករណីមួយ ដែលជនសង្ស័យជាឪពុក បានចាប់កូនប្រុសតូច ចងរួចគំរាមថានៅធ្វើអត្តឃាតទាំងឪពុកនិងកូន នៅស្រុកអង្គរជ័យ ។

ជុំវិញករណីនេះសមត្ថកិច្ចខេត្តកំពត បានបើកការស្រាវជ្រាវ អស់រយៈពេល១យប់ ដើម្បីស្វែងរកទីតាំងខាងលើ ។

យោងតាមផេក ស្នងការដ្ឋាននគរបាលខេត្តកំពត បង្ហោះនៅរសៀលថ្ងៃទី២០ ខែមករា ឆ្នាំ២០២៤ បានឲ្យដឹងថា សមត្ថកិច្ចខ្ញុំយកឪពុកនិងកូនបានហើយ ក្មេងមានសុខភាពល្អធម្មតា ។ ប្អូនអើយប្អូន មិនគួរណាប្អូនថតគំរាមប្រពន្ធ ហើយយកកូនមកធ្វើបែបនេះទេ ក្មួយប្រុសបានប្រគល់ជូនម្តាយហើយ ដោយឡែកប្តីបន្តនិតិវិធី ។