រាជធានីភ្នំពេញ ៖ មានការភ្ញាក់ផ្អើលខណៈប្រទះឃើញសពបុរសម្នាក់ បានស្លាប់នៅក្នុងខុនដូរមួយកន្លែង ដោយមិនទាន់ដឹងមូលហេតុ ។

ហេតុការណ៍នេះបានកើតឡើង កាលពីវេលាម៉ោង១រសៀល ថ្ងៃទី២២ ខែមករា ឆ្នាំ២០២៤ នៅចំណុចខុនដូរមួយកន្លែង ស្ថិតនៅផ្លូវ៤៩៦ ភូមិ២ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។

ជុំវិញករណីនេះ គេឃើញមានសមត្ថកិច្ចនគរបាលប៉ុស្តិ៍ផ្សារដើមថ្កូវ នគរបាលខណ្ឌចំការមន និងនគរបាលជំនាញផ្នែកកោសល្យវិច័យ នៃស្នងការដ្ឋាននគរបាលរាជធានីភ្នំពេញ បានចុះមកដល់ទីតាំងកើតហេតុ ដើម្បីធ្វើការពិនិត្យសាកសពខាងលើ ។

ក្នុងនោះបើតាមប្រភពព័ត៌មានពីសមត្ថកិច្ចនៅទីតាំងកើតហេតុ សពជនរងគ្រោះខាងលើ គឺជាបុរសជនជាតិចិន តែនៅមិនទាន់ដឹងពីមូលហេតុ នៃការស្លាប់នៅក្នុងខុនដូរនេះនៅឡើយ ៕ អែល វិចិត្រ