រាជធានីភ្នំពេញ​៖ បុរសម្នាក់បើករថយន្តកូរ៉ូឡាមួយគ្រឿង រេចង្កូតទៅបុកនឹងសួនច្បារចែកទ្រូងផ្លូវពេញទំហឹង បណ្តាលឲ្យរងការខូចខាតយ៉ាងដំណំ ។

ហេតុការណ៍នេះកើតឡើងនៅតាមបណ្ដោយផ្លូវR6 ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ វេលាម៉ោង៤ទៀបភ្លឺ ថ្ងៃទី២៧ ខែមករា ឆ្នាំ ២០២៤។

តាមប្រភពព័ត៌មានពីបងប្អូនប្រជាពលរដ្ឋ បានអោយដឹងថា មុនពេលកើតហេតុ គេបានឃើញបុរសម្នាក់ បើករថយន្តកូរ៉ូឡាមួយគ្រឿង ដែលពាក់ស្លាកលេខ ភ្នំពេញ 2Q 2407 ធ្វើដំណើរតាមបណ្ដោយផ្លូវ R6 ក្នុងទិសដៅពីត្បូងទៅជើង មកដល់ចំណុចកើតហេតុ ក៏រេចង្កូតទៅបុកនឹងសួនច្បារចែកទ្រូងផ្លូវពេះទំហឹង បណ្តាលឲ្យរងការខូចខាតយ៉ាងដំណំ តែម្តង។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញបានចុះមកធ្វើការវាស់វែង យករថយន្តទៅរក្សាទុករង់ចាំដោះស្រាយគ្នាពេលក្រោយតាមច្បាប់បន្តទៀត ៕ Mrr Ka