រាជធានីភ្នំពេញ ៖ បុរសម្នាក់បើករថយន្ត​ ស្ទូច​ធន់ធំមិនប្រយ័ត្ន បុករបាំងថ្មចែកទ្រូងផ្លូវ​ទាំងកម្រោល កាលពីវេលាម៉ោង ៤ទាបភ្លឺ​ ថ្ងៃទី​២៦​ ខែមករា​ ឆ្នាំ​២០២៤ ស្ថិត​នៅតាមបណ្ដោយផ្លូវព្រះនរោត្តម ត្រង់​ស្តុប​ក្រសួងមហាផ្ទៃ​ សង្កាត់​ទន្លេ​បាសាក់​ ខណ្ឌ​ចំការមន​ រាជធានីភ្នំពេញ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ ស្ទូច​ ពាក់ស្លាកលេខ ភ្នំពេញ​ 3E-9643 តាមបណ្ដោយផ្លូវព្រះនរោត្តម ក្នុងទិសដៅពីត្បូងទៅជើង មកដល់ស្ដុបក្រសួងមហាផ្ទៃ រថយន្ដនេះ ក៏បានរេចង្កូតបុករបាំងថ្មចែកទ្រូងផ្លូវ​ទាំងកម្រោល បណ្ដាលរងការខូចខាត​យ៉ាងដំណំ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​ នៃស្នងការដ្ឋាននគរបាលរាជធានីភ្នំពេញ បានធ្វើការវាស់វែងយករថយន្តទៅរក្សាទុក រង់ចាំដោះស្រាយនៅពេលក្រោយ​ តាមច្បាប់បន្តទៀត ៕ Mrr Ka