មហាជន និងបណ្តាអ្នកគាំទ្រ រួមទាំងបណ្តាអ្នកសិល្បៈ បានសម្តែងនូវការចូលរួមរំលែកទុក្ខ ខណៈវីរៈសិល្បករកំប្លែង នាយ ស្វិត ទទួលមរណភាពហើយ នៅមុននេះបន្តិច ស្ថិតនៅក្នុងមន្ទីរពេទ្យព្រះកុសុមៈ ដោយសារតែជំងឺស្ទះសរសៃឈាមខួរក្បាល ហើយត្រូវបានបញ្ជូនមកសង្គ្រោះ និងព្យាបាលអស់រយៈពេលជាច្រើនថ្ងៃកន្លងមក។ ពេលនេះ កំពុងទាក់ទងទៅក្រុមគ្រួសារ ដើម្បីមកទទួលសពយកទៅធ្វើបុណ្យតាមប្រពៃណី។

យោងតាមផេកផ្លូវការរបស់ ពិធីករសម្បូរវោហាស័ព្ទមិនចេះរីងស្ងួត លោក ប៉ែន ចំរ៉ុង បានសរសេរ និងភ្ជាប់ជាមួយរូបថត របស់តារាកំប្លែង​នាយស្វិត ទាំងស្រុងថា « ក្នុងនាមជាសិល្បករមួយរូបពិតជាសោកស្តាយចំពោះការបាត់បង់វិរះសិល្បករកំប្លែង នាយ ស្វិត បានលាចាកលោកបាត់ហើយ សូមជូនពរអោយវិញ្ញាណក្ខន្តបងទៅកាន់សុគតិភពផងចុះ » ។

ក្នុងនោះ គេក៏ឃើញផេកផ្លូវការរបស់ «សំណើច ចុងសប្តាហ៍ »​ បានសរសេរ ទាំងស្រុងថា « សូមចូលរួមរំលែកទុក្ខដល់ក្រុមគ្រួសារ​សព​ ​ (នាយស្វិត) ក្រុមការងារសំណើចចុងសប្តាហ៍​ ពិតជាមានការសោកស្តាយយ៉ាងពន់ពេក​ នៅពេលទទួលបានដំណឺងមរណៈភាព​ របស់សិល្បៈកររួមអាជីប​ ដែលបានឆ្លងកាត់រាល់ភាពលំបាក​ សប្បាយរីករាយ​ នាំសំណើច​....​ ក្នុងវិស័យសិល្បៈ​ កន្លងមក​ បានលាចាកលោក​ ទៅកាន់ឋានបរមសុខ​ ដែលមិនអាចវិលត្រឡប់បាន។ សូមវិញ្ញាណក្ខន្ធ័​ លោកបានទៅកាន់ឋានស្ងប់សុខ​ ដោយក្តីអាលោះអាល័យពីក្រុមការងារ​» ។