រថយន្តឡិចស៊ីសបុករបាំងថ្មចែកទ្រូងផ្លូវ ខ្ទេចចំនួន២កង់
រាជធានីភ្នំពេញ៖ បុរសម្នាក់បើករថយន្តឡិចស៊ីសមួយគ្រឿង បុករបាំងថ្មចែកទ្រូងផ្លូវ បណ្ដាលរងការខូចខាតចំនួន២កង់ នៅតាមបណ្ដោយផ្លូវព្រះសីហនុ សង្កាត់វាលវង់ ខណ្ឌ៧មករា វេលាម៉ោង១យប់ ថ្ងៃទី៣០ ខែមករា ឆ្នាំ២០២៤ ។
តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត ឡិចស៊ីស RX330 ពាក់ស្លាកលេខ ភ្នំពេញ 2BI-7270 បើកតាមបណ្ដោយផ្លូវព្រះសីហនុ ក្នុងទិសដៅពីកើតមកលិច មកដល់កន្លែងកើតហេតុ ក៏បើកបុករបាំងថ្មចែកទ្រូងផ្លូវ បណ្ដាលរងការខូចខាត២កង់។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញបានធ្វើការវាស់វែងយករថយន្តទៅរក្សាទុកដើម្បីរង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr Ka
