រាជធានីភ្នំពេញ ៖ បុរសម្នាក់បើករថយន្ដ Ford Terri Tory មួយគ្រឿងបើកមិនប្រយ័ត្ន រេចង្កូតបុករបាំងថ្មចែកផ្លូវ ពេញទំហឹង បណ្ដាលឲ្យរងការខូចខាត កាលពីវេលាម៉ោង១១យប់ ថ្ងៃទី៣១ ខែមករា ឆ្នាំ២០២៤ នៅតាមបណ្ដោយផ្លូវឧកញ៉ាម៉ុងរឹទ្ធី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្ដ Ford Terri Tory ពាក់ស្លាកលេខ កម្ពុជា KMD.7007 បើកតាមបណ្ដោយផ្លូវ ឧកញ៉ាម៉ុងរឹទ្ធី ក្នុងទិសដៅពីកើតមកលិច មកដល់កន្លែងកើតហេតុ ក៏បើករេចង្កូតបុករបាំងថ្មចែកផ្លូវ បណ្ដាលឲ្យរងការខូចខាតយ៉ាងដំណំ ។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ដ ទៅរក្សាទុករង់ចាំការដោះស្រាយនៅពេលក្រោយ បន្តទៀត ៕ Mrr Ka
