ខេត្តពោធិ៍សាត់ ៖ មានការភ្ញាក់ផ្អើលខ្លាំងមួយបានកើតឡើង ដោយប្រជាពលរដ្ឋ បានប្រទះឃើញ ឆ្អឹងលលាដ៍ក្បាលមនុស្ស ប្រញាប់រាយការណ៍ជូនសមត្ថកិច្ច ។ នេះបើយោងតាមផេកផ្លូវការរបស់ អធិការដ្ឋាននគរបាល ស្រុកវាលវែង ។
សនត្ថកិច្ចបានជូនដំណឹងដល់សារធារណ:ជនមេត្តាជ្រាប ពីករណីប្រជាពលរដ្ឋប្រទះឃើញ ឆ្អឹងលលាដ៍ក្បាលមនុស្ស ដោយកាលពីថ្ងៃទី ៣១ ខែមករា ឆ្នាំ២០២៤ ម៉ោង ១០និង៣៥ នាទី មានប្រជាពលរដ្ឋម្នាក់ប្រទះឃើញ ឆ្អឹងលលាដ៍ក្បាលមនុស្ស នៅខាងត្បូងរបងដីចំការរបស់ខ្លួនស្នាក់នៅ ស្ថិតនៅភូមិប្រម៉ោយ ឃុំប្រម៉ោយ ស្រុកវាលវែង ។
ក្រោយពីបានទទួលព៌ត័មាន លោកវរសេនីយ៍ឯក ធាង ឡេង អធិការនគរបាលស្រុក បានឲ្យកម្លាំងអធិការស្រុក និងកម្លាំងប៉ុស្តិ៍ប្រម៉ោយ សហការជាមួយកម្លាំងជំនាញខេត្ត និងគ្រូពេទ្យខេត្ត ចុះដល់ទីតាំងខាងលើ ដើម្បីពិនិត្យនិងស្រាវជ្រាវបន្ត ។
លុះមកដល់ថ្ងៃទី ០២ ខែកុម្ភៈ ឆ្នាំ២០២៤ ម៉ោង ៧និង៣០ នាទី សមត្ថកិច្ចក៏បានទទួលព៌ត័ពីប្រជាពលរដ្ឋម្នាក់ទៀត បានប្រទះឃើញ គ្រោងឆ្អឹងសាកសព ក្នុងជ្រលងកូនអូរ មានសភាពភ្លើងឆេះ ស្ថិតក្នុងភូមិផ្ចឹកជ្រុំ ឃុំប្រម៉ោយ ស្រុកវាលវែង កម្លាំងអធិការស្រុក បានចុះដល់ទីកន្លែងហើយធ្វើការពិនិត្យនិងស្រាវជ្រាវ រហូតបានឃើញសាច់ញ្ញាតិសពត្រូវជាម្តាយបង្កើត ដែលបានបាត់កូនប្រុសកាលពីថ្ងៃទី ១២ ខែមករា ឆ្នាំ២០២៤ កន្លងមក សពឈ្មោះ ឆន ដានេ ភេទប្រុស អាយុ ២៩ ឆ្នាំ ។
ដោយមានការបំភ្លឺពីម្តាយបង្កើតសព បានឲ្យដឹងថា សពកាលនៅរស់ធ្លាប់ ជួបគ្រោះថ្នាក់ធ្លាក់ពីលើអគារ ទើបធ្វើអោយស្មារតីមិនប្រក្រតី ពេលជម្ងឺរើឡើងម្តងៗតែងតែរត់ចូលព្រៃ ។
ករណីនេះ ដោយមានការអនុញ្ញាតពីឯកឧត្តម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ ទើបសមត្ថកិច្ចប្រគល់ជូនសាច់ញាតិទៅធ្វើបុណ្យតាមប្រពៃណី ៕
.jpg?1706939471)
.jpg?1706939470)
_copy.jpg?1706939471)
