រាជធានីភ្នំពេញ ៖ មានការភ្ញាក់ផ្អើលខ្លាំង ដល់បងប្អូនប្រជាពលរដ្ឋជាអ្នកដំណើរ និងកម្មករដែលធ្វើការជាមួយគ្នា ប្រញាប់នាំគ្នា ទម្លាក់បុរសម្នាក់ ចុះមកក្រោម រួចប្រញាប់បញ្ជូនទៅសង្គ្រោះបន្ទាន់នៅមន្ទីរពេទ្យ ខណៈ ឡើងតខ្សែភ្លើងឆៅៗ នៅបង្គោលខ្សែភ្លើងមួយកន្លែង។

ហេតុការណ៍ដ៏រន្ធត់នេះបានកើតឡើង នៅវេលាម៉ោង ១០ព្រឹក ថ្ងៃទី០៣ ខែកុម្ភៈ ឆ្នាំ២០២៤ នៅតាមបណ្តោយផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

ទោះបីជាយ៉ាងណា ជុំវិញករណីនេះ ជនរងគ្រោះជាបុរសខាងលើ របួសធ្ងន់ធ្ងរណាស់ ឆេះរលួយរលេះដៃជើង ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ មិនទាន់ដឹងស្ថានភាពទៅជាយ៉ាងណានៅឡើយ ក្រោយគេឃើញជនរងគ្រោះរូបនេះ ឡើងតខ្សែភ្លើងឆៅៗលើបង្គោលភ្លើងនេះ ពេលនោះសង្ស័យខុសបច្ចេកទេស ក៏ឆក់ផ្ទុះលាន់ដូចរន្ទះតែម្តង ៕ #N