រថយន្តឡិចស៊ីស បុករថយន្តព្រូសត្រង់ផ្លូវបំបែកជាបួន រងការខូចខាតយ៉ាងដំណំ
រាជធានីភ្នំពេញ ៖ បុរសម្នាក់បើករថយន្តឡិចស៊ីស បុករថយន្តព្រូសត្រង់ផ្លូវបំបែកជាបួន បណ្ដាលរងការខូចខាតយ៉ាងដំណំ កាលពីវេលាម៉ោង ១១យប់ ថ្ងៃទី០៤ ខែកុម្ភៈ ឆ្នាំ២០២៤ នៅតាមបណ្ដោយផ្លូវ១០៥ កែង៤៣២ សង្កាត់បឹងត្របែក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តឡិចស៊ីស RX 350 ពាក់ស្លាកលេខ នគរបាល 2-5295 បើកតាមបណ្តោយផ្លូវ៤៣២ ក្នុងទិសដីពីកើតមកលិច មកដល់កន្លែងកើតហេតុ ផ្លូវបំបែកជាបួន ក៏បានបុករថយន្តព្រូស ពាក់ស្លាកលេខ ភ្នំពេញ 2BX-7385 បណ្ដាលរងការខូចខាតយ៉ាងដំណំ ។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr Ka
