ខេត្តកំពង់ចាម ៖ យ៉ាងណាមិញ មហាជនបានកោតសរសើរមិនដាច់ពីមាត់ថា លោកជំទាវឧកញ៉ា ម៉ែរួយ មិនត្រឹមតែ មានរូបសម្ផស្សស្រស់សោភានោះទេ គាត់តែងតែចូលចិត្តធ្វើបុណ្យដាក់ទាន ជួយទៅដល់អ្នកអត់ទីពឹង គ្មានជម្រក និងកិច្ចការក្នុងសង្គមជាច្រើនទៀត។
តួយ៉ាងកាលពី ថ្ងៃទី៤ ខែ កុម្ភៈ ឆ្នាំ ២០២៤ នេះ គេបានឃើញ Video ដែលលោកជំទាវឧកញ៉ា ម៉ែរួយបង្ហោះ នៅ ភូមិសំបូរមាស ឃុំពានជីកឯ ស្រុកកងមាស ខេត្តកំពង់ចាម ដោយលោកជំទាវឧកញ៉ា ស្រី ណារួម (ម៉ែរួយ) រួមទាំងស្វាមី ឯកឧត្តម សុខ នៅ និងក្រុមគ្រួសារបានបង្ហាញក្តីអាណិតខ្លោចចិត្តមែនទែន ចំពោះលោកយាយម្នាក់ ដែលគាត់មានភាពលំបាក ក្រៃលែងក្នុងជីវិត ខណៈលោកយាយចាស់ទៅហើយ សូម្បីតែទឹកស្អាតក៏គ្មានសម្រាប់ប្រើដែរ ។
ឧកញ៉ា ម៉ែរួយ ក៏បានទៅដល់ជួបលោកយាយ ឃើញសភាពស្លុតចិត្តពេក ក៏ទប់ទឹកភ្នែកខ្លួនឯងមិនបាន ហើយបានជួយថវិកា ថែមទាំងជួយសាងសង់ផ្ទះថ្មីអោយលោកយាយ ឲ្យលោកយាយរស់នៅបានស្រួលដូចគេដូចឯង ដែលធ្វើឲ្យលោកយាយ ក៏ទប់ទឹកភ្នែកនិងទប់អារម្មណ៍មិនជាប់នោះទេ ព្រោះមួយជីវិតនេះ គាត់មិនទាន់បានរកក្តីសុខបាននៅឡើយ រហូតមកជួបនឹង ឧកញ៉ា ម៉ែរួយ ដែលមានចិត្តធម៌ មកជួយគាត់ នេះជាគុណបុណ្យដ៏ច្រើនលើសលប់ខ្លាំងមែនទែន សម្រាប់ជីវិតរបស់គាត់ ។
លោកជំទាវឧកញ៉ា ម៉ែរួយ បានសរសេរបង្ហោះថា «លើកទី១ ដែលនាងខ្ញុំចែកអំណោយហើយយំ អាណិតលោកយាយជាខ្លាំង បងអូនមើលអោយដល់ចប់ យើងស្រូប្រាយអ្វីដល់លោកយាយ សេចក្ដីល្អដែលនាងខ្មុំបានធ្វើបុណ្យចែកទាន សូមជូនបណ្យដល់បងប្អូនជនរួមជាតិទាំងអស់គ្នាផង អំពើរល្អមិនសាបសូន្យ ម៉ែរួយរាជនីច្បាប់ស្រូបទាញ យើងរួមគ្នាសាងអំពើរល្អជាប្រយោជន៍ដល់សង្គម សប្បុរសធម៌ ម៉ែរួយ » ៕
