ខេត្តកំពង់ស្ពឺ ៖ រន្ធត់ណាស់លោកអើយ គ្រោះថ្នាក់​ចរាចរណ៍ រថយន្តស៊េរីទំនើប អាល់ផាតមួយគ្រឿង បុករបាំងផ្លូវ ផ្លោងក្រឡាប់ប៉ើងមនុស្សខ្ទាតចេញតាមបង្អួច ស្លាប់មនុស្ស៥នាក់នៅទីតាំងកើតហេតុ និង២នាក់ទៀតរបួសធ្ងន់ ។ នេះបើយោងតាមផេក ស្នងការដ្ឋាននគរបាលខេត្តកំពង់ស្ពឺ ។

សោកនាដកម្មដ៏រន្ធត់នេះ កើតឡើងកកាលពីវេលាម៉ោង ៧និង១២​នាទី​ព្រឹក ថ្ងៃទី៧ ខែកុម្ភៈ ឆ្នាំ២០២៤ នៅចំណុចផ្លូវ​ល្បឿ​នលឿន​ ចន្លោះគី​ឡូម៉ែត​លេខ២០​ ហួសច្រកចេញកំពង់ស្ពឺ​ កើត​បន្ដិច​ ស្ថិតក្នុងស្រុកសំរោងទង ខេត្តកំពង់ស្ពឺ ។

ខណៈ​ពេល​នេះ​ សមត្ថកិច្ច​នគរបាល​ អធិការ​ដ្ឋាន​ស្រុក​សំ​រោងទង​ ​នៃស្នងការដ្ឋាន​នគរបាលខេត្ដកំពង់ស្ពឺ​ បានសហការ​អន្ដរាគមន៍​ជួយសង្គ្រោះ​ ករណី​ខាងលើ ហើយបើតាមការបញ្ជាក់ពី​ព័ត៌មាន​បឋម​ពីអ្នកឃើញហេតុការណ៍​ថា​ រថយន្តអាល់ផាត ពណ៌​ស​ដឹកលក្ខណៈ​គ្រួសារ​ ០៧នាក់​ ក្នុងគោលបំណង​ទៅលេងខេត្ដព្រះ​សីហនុ​ អ្នកបើកបរ​ជាស្រ្ដី​ និងមានអ្នកស្លាប់​ ០៥នាក់​នៅហ្នឹង​កន្លែងកើតហេតុ ដោយឡែក២នាក់ទៀត​ របួសធ្ងន់ ។

សូមបញ្ជាក់​ថាកាលពីថៃ្ង​ម្សិលមិញ​ ០៦​ កុម្ភៈ​ ឆ្នាំ២០២៤​ ក្បែរ​កន្លែង​កើត​ហេតុ​ ក៏មានករណីគ្រោះថ្នាក់ចរាចរណ៍រថយន្ដRangrover មួយគ្រឿ​ងបុករបាំងបាំងផ្លូវបណ្ដាលឲ្យខូតខាតយ៉ាងដំណំ​ និងរងរបួស​ផងដែរ ៕