រាជធានីភ្នំពេញ ៖ មានការភ្ញាក់ផ្អើលខ្លាំង និងភ័យមិនស្ទើរ ដល់បងប្អូនប្រជាពលរដ្ឋ ប្រញាប់រាយការណ៍ជូនសមត្ថកិច្ច ខណៈយុវជនម្នាក់ លីគ្រាប់យុទ្ធភ័ណ្ឌ៨២ ដើរកាត់ផ្លូវ ។

ហេតុការណ៍នេះបានកើតឡើង នៅវេលាម៉ោង១២ និង៤៨នាទីរសៀល ថ្ងៃទី៧ ខែកុម្ភៈ ឆ្នាំ២០២៤នេះ ស្ថិតក្នុងខណ្ឌជ្រោយចង្វារ រាជធានីភ្នំពេញ។

ប្រភពព័ត៌មានបានឲ្យដឹងថា ករណីនេះមុនពេលកើតហេតុ គេបានឃើញយុវជនខាងម្នាក់នេះ បានឡើងពីងូតទឹក បន្ទាប់មកក៏ឃើញ ដើរលីគ្រាប់យុទ្ធភ័ណ្ឌ៨២ មិនទាន់ផ្ទុះ ដើរកាត់ផ្លូវ បង្កការភិតភ័យដល់ប្រជាពលរដ្ឋ ខណៈបើតាមការសាកសួរ យុវជនខាងលើនិយាយថា​ ខ្លួនលីយកទៅលក់អេតចាយ យកលុយសិន ហើយចាំប្រាប់សមត្ថកិច្ចតាមក្រោយ ទោះបីជាយ៉ាងណា ករណីនេះសមត្ថកិច្ចបានអន្តរាគមន៍ឃាត់ និងយកគ្រាប់នេះ ដាក់អែបកៀន រង់ចាំកម្លាំងជំនាញ ខាងស៊ីម៉ាក់ មកទទួល ចៀសវាងមានគ្រោះថ្នាក់កើតឡើង ៕ មេសា