ខេត្តកំពង់ស្ពឺ ៖ ក្មេងៗសោះ ប្រព្រឹត្តខ្លួនបងតូចបងធំ បង្កភាពអាណាធិបតេយ្យ កែបាន កែទៅប្អូន គ្មានអ្នកណាគេមកសរសើរទង្វើប្អូននឹងទេ! តួយ៉ាងករណីគ្រោះថ្នាក់ចរាចរណ៍សោះ បង្កចេញជាអំពើហិង្សាលើខ្នងភ្នំគីរីរម្យ ហើយមានការផុសថាករណីហឹង្សាដេញកាប់គ្នាលើខ្នងភ្នំ​គីរីរម្យ ។ នេះបើយោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ ។

សមត្ថកិច្ចបានបញ្ជាក់ថា ករណីនេះកើតឡើងនៅវេលាម៉ោង២និង២០នាទីរសៀល នៅលើឧទ្យាន​ជាតិគីរីរម្យ ចំណុចជិតរង្វង់មូលនាគព័ន្ធ ដោយមានម៉ូតូ​០១​គ្រឿងម៉ាក​scopy-i ពណ៌ក្រហម គ្មានផ្លាកលេខ សេរីឆ្នាំ​២០២២ ជិះឌុបគ្នា០២នាក់​ ឈ្មោះ វី សុគុន្ធ ប្រុស ២​៦ឆ្នាំ នៅភូមិព្រៃស្ដុក ឃុំមហាសាំង ស្រុកភ្នំស្រួ​ច​ ម្នាក់​ទៀតមិនស្គាល់​ឈ្មោះ​ បានជិះទៅបុកម៉ូតូ​០១​គ្រឿង ម៉ាក​ឌ្រីម​C125 សេរីឆ្នាំ២០២៤ ពណ៌​ក្រហ​ម លេ​ខភ្នំពេញ 1KK-4037 ជិះគ្នា០២នាក់រួមមាន ៖

-ឈ្មោះ សេង រ៉ាវ័ន្ត ប្រុស អាយុ២០ឆ្នាំ(អ្នកឌុប) នៅភូមិតាយស់ ឃុំជើងរាស់ ស្រុកសាមគ្គីមុនីជ័យ

-ឈ្មោះ គង់ ណាវី ភេទប្រុស អាយុ១៨ឆ្នាំ នៅភូមិអង្គតាប៉ុក ឃុំជើងរាស់ ស្រុកសាមគ្គីមុនីជ័យ បណ្ដាលឲ្យដួលទាំង ០២ ។

សមត្ថកិច្ចបន្តថា បន្ទាប់មក បក្ខពួករបស់ឈ្មោះ សេង រ៉ាវ័ន្ត មា​នឈ្មោះ សេង ដារ៉ា បានមកដល់ក៏ទា​ញដំបងមែកស្រ​ល់ដេ​ញវាយទៅលើឈ្មោះ វី សុគុន្ធ និងបក្ខពួក​ នៅ​កន្លែងកើត​ហេតុ ។ ចំណែកឈ្មោះ សេ​ង រ៉ាវ័ន្ត ពេលងើ​បពីដួលវិញក៏ទា​ញដំបងឬស្សី បម្រុងវាយភាគីម្ខាង​ទៀតដែរ ប៉ុន្តែមានគេចាប់ឃាត់។

ក្រោយកើតហេតុកម្លាំងអធិការដ្ឋាននគរបាល​ស្រុក​ភ្នំស្រួច​ ដឹកនាំ​ដោយ​វរសេនីយ៍ទោ​ ម៉ែន​ សុខេម​ អ​ធិការ​នគរបាល​ស្រុក​ភ្នំស្រួច​ បានបញ្ជានិងឡើងស្ទា​ក់ឃាត់បាន​ជនបង្ក ០៣នាក់​

១-ឈ្មោះ សេង រ៉ាវ័ន្ត​ ២-ឈ្មោះ គង់ ណាវី

៣-ឈ្មោះ សេង ពន្លឺ ភេទប្រុស អាយុ១៨ឆ្នាំ រស់នៅភូមិតា​យស់ ឃុំជើងរាស់ ស្រុកសាមគ្គីមុនីជ័យ និងឈ្មោះ សេ​ង ដារ៉ា កំពុងរត់គេចខ្លួន។ ចំណែកភាគីម្ខាងទៀតឈ្មោះ រី សុគន្ធ របួសធ្ងន់ដោយសារគ្រោះថ្នាក់ចរាចរណ៍កំពុងសំរាក​ព្យាបាលនៅមន្ទីរ​ពេទ្យផ្សារត្រែងត្រយឹង។

ក្នុងករណីនេះ សមត្ថកិច្ច​ដកហូតម៉ូតូចំនួន ០៣គ្រឿងរួមមាន៖

១-គ្រឿងម៉ាកscopy-i ពណ៌ក្រហម គ្មានផ្លាកលេខ សេរីឆ្នាំ២០២២

២-ម៉ាកសងC125 សេរីឆ្នាំ២០២៤ ពណ៌ក្រហម ពាក់ផ្លាកលេខ ភ្នំពេញ:1KK-4037

៣-ម៉ាកសងC125 សេរីឆ្នាំ២០២២ ពណ៌ស ពាក់ផ្លាកលេខ ភ្នំពេញ:1JA-7814។

បច្ចុប្បន្នសមត្ថកិច្ចនគរបាលបានឃាត់ខ្លួនជនស​ង្ស័យ០៣នាក់ នៅអធិការដ្ឋាននគរបាលស្រុកភ្នំស្រួច​ ដើម្បីកសាងសំណុំរឿងចាត់ការតាមនីតិវិធី៕