រាជធានីភ្នំពេញ ៖ ជនសង្ស័យម្នាក់ ធ្វើសកម្មភាពគាស់ជញ្ជាំងឃ្លាំងចូលលួចទៀនវស្សា ត្រូវបានកម្លាំងប៉ុស្តិ៍នគរបាលរដ្ឋបាលព្រៃស ឃាត់ខ្លួន ។ នេះបើយោងតាមផេក ស្នងការដ្ឋាននគរបាលរាជធានីភ្នំពេញ ។

ហេតុការណ៍នេះបានកើតឡើងកាលពីវេលាម៉ោង ៣ ថ្ងៃទី១០ ខែកុម្ភៈ ឆ្នាំ២០២៤​​ ត្រង់ចំណុចវត្តហារ ស្ថិតនៅភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ​។

សមត្ថកិច្ចបានឲ្យដឹងថា ជនសង្ស័យឈ្មោះ សៀង លីហួ ភេទប្រុស ជនជាតិខ្មែរ មុខរបរមិនពិតប្រាកដ ទីលំនៅភូមិដើមស្លែង សង្កាត់និរោធ ខណ្ឌច្បារអំពៅ (មានសារធាតុញៀន)។

ក្នុងនោះ វត្ថុតាងចាប់យក៖ ម៉ូតូម៉ាកស៊ីរ៉ូស ពណ៌ខ្មៅ គ្មានផ្លាកលេខ, ទៀនវស្សា ចំនួន១៣ដើម ,កូនកាំ ..បិត ចំនួន០២, ដែកគាស់ចំនួន០១ ។

បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕