រាជធានីភ្នំពេញ ៖ ពិតជាហ៊ានមែន ជនសង្ស័យមួយក្រុមបានជិះម៉ូតូកង់បីឥណ្ឌា ធ្វើសកម្មភាពចូលលួចម៉ូតូម៉ាក Honda Beat ក្នុងបន្ទប់ជួលបងប្អូនប្រជាពលរដ្ឋបានសម្រេច រួចជិះគេចខ្លួនបាត់ស្រមោលតែម្តង ។

ហេតុការណ៍នេះដែរបានកើតឡើង កាលពីវេលាម៉ោង៦ និង៣០នាទី ព្រឹកថ្ងៃទី១២ ខែកុម្ភៈ ឆ្នាំ២០២៤ ស្ថិតនៅបន្ទប់ជួល ផ្លូវបេតុង ក្នុងភូមិដំណាក់ធំ២ ក្នុងសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។

សមត្ថកិច្ចបានអោយដឹងថា ជនរងគ្រោះមានឈ្មោះ ទ្បូ បូទី ភេទប្រុស អាយុ២០ ឆ្នាំ ស្នាក់នៅបន្ទប់ជួយកើតហេតុខាងលើ ម៉ូតូដែលបាត់ម៉ាក Honda Beat ពណ៌ខៀវ សេរ៊ីឆ្នាំ២០១៩ ពាក់ស្លាកលេខ កណ្តាល 1AC 5305 ។

បើយោងតាមពាក្យជនរងគ្រោះបានបញ្ជាក់ប្រាប់ក្រុមការងារTVFB អោយដឹងថា កាលពីថ្ងៃទី១១ ខែកុម្ភៈ ឆ្នាំ ២០២៤ វេលាម៉ោង ៩ និង ៣០នាទី ខ្ញុំបានចេញពីស្រុកកំណើតមកដល់ផ្ទះជួលវិញ ហើយក៏បានទិកម៉ូតូក្នុងបរិវេណផ្ទះជួល និង ចាក់សោត្រឹមត្រូវ រួចក៏បានឡើងទៅបន្ទប់ជួលនៅជាន់ទី៣ លុះមកដល់វេលាម៉ោង៦ និង ៣០នាទីព្រឹកថ្ងៃទី១២ ខែកុម្ភៈ ឆ្នាំ២០២៤ បងប្រុសខ្ញុំបានចុះពីបន្ទប់ដើម្បីទៅយកម៉ូតូធ្វើការក៏បាត់តែម្តង ទើបបង្កការភ្ញាក់ផ្អើលតែម្តង រួចក៏ទៅឆែកកាំមេរ៉ា ឃើញជនសង្ស័យសង្ស័យចំនួន៣នាក់ ជិះម៉ូតូកង់បីឥណ្ឌា ចូលធ្វើសកម្មភាពចូលលួចម៉ូតូម៉ាក Honda Beat ក្នុងបន្ទប់ជួលបានសម្រេច រួចជិះគេចខ្លួនបាត់ស្រមោលតែម្តង មិនរំខានសមត្ថកិច្ចបន្តិចសោះទ្បើយ។

ជាចុងក្រោយប្រជាពលរដ្ឋដែលរស់នៅក្នុងមូលដ្ឋានខាងមានជ័យ សូមសំណូមពរទៅកាន់លោកអធិការខណ្ឌមានជ័យ មេត្តាជួយល្បាតក្នុងភូមិសាស្ត្រ ដើម្បីរក្សាសន្តិសុខជូនបងប្អូនប្រជាពលរដ្ឋ និងជួយស្វែងរកជនសង្ស័យខាងលើមកចាត់ការតាមផ្លូវច្បាប់ផង៕ អែល មេសា