រាជធានីភ្នំពេញ ៖ បុរសជនជាតិចិនម្នាក់ បើករថយន្ដ LEXUS GS300 បុករត់រហូតដល់ផ្លូវ២០០៤ ក្នុងសង្កាត់អូរបែកក្អម ខណ្ឌសែនសុខ បានជ្រុលទៅបុកបង្គោលខ្សែភ្លើងថ្ម បណ្ដាលឲ្យរងការខូចខាត ទៅមុខលែងរួច ទើបសមត្ថកិច្ចឃាត់តៃកុង និងអ្នករួមដំណើរ៣នាក់ទៀត យកទៅប៉ុស្តិ៍ដើម្បីធ្វើការសាកសួរ ។
តាមប្រភពព័ត៌មានពីបងប្អូនប្រជាពលរដ្ឋ បានអោយដឹងថា មុនពេលកើតហេតុ មានបុរសជនជាតិចិនម្នាក់ បើករថយន្ដ LEXUS GS300 ពាក់ស្លាកលេខ ភ្នំពេញ 2AF-1927 បើកបុករត់ តែមិនដឹងថាបុកអ្វីខ្លះនោះទេ គ្រាន់តែលឺបងប្អូនប្រជាពលរដ្ឋដេញ តាមតាំងពីខណ្ឌដូនពេញ ហើយស្រែកថាឡាននេះបុកគេរត់តែប៉ុណ្ណោះ រហូតមកដល់ផ្សារដើមគរ បន្ដបើករត់រហូតដល់ផ្លូវ២០០៤ សង្កាត់អូរបែកក្អម ខណ្ឌសែនសុខ ហើយបានជ្រុលទៅបុកបង្គោលខ្សែភ្លើងថ្ម បណ្ដាលឲ្យរងការខូចខាតទៅមុខលែងរួច ត្រូវបានបងប្អូនប្រជាពលរដ្ឋនាំគ្នាវាយ សំណាងសមត្ថកិច្ចមកទាន់ ឃាត់តៃកុងនិងអ្នករួមដំណើរ៣នាក់ទៀតយកទៅប៉ុស្តិ៍ដើម្បីធ្វើការសាកសួរ ។ ទោះបីជាយ៉ាងណា ច្បាប់មានសម្រេចចាត់ការទៅលើបុគ្គលដែលប្រព្រឹត្តិខុស ឬក៏គេសវេសពីកំហុសដែលខ្លួនបានប្រព្រឹត្ត សូមបងប្អូនកុំប្រើអំពើហិង្សា ចៀសវាងពាក់ព័ន្ធទៅនឹងផ្លូវច្បាប់ អាចក្លាយជាអ្នកមានទោសវិញក៏ថាបាន គួរទុកតួនាទីនេះឲ្យសមត្ថកិច្ច និងច្បាប់ជាអ្នកចាត់ការ ទើបជាការល្អ ។
ក្នុងនោះ យោងតាមផេកផ្លូវការរបស់ ស្នងការដ្ឋាននគរបាលរាជធានីភ្នំពេញ បានបង្ហោះនៅព្រឹកថ្ងៃទី ៩ ខែកុម្ភៈ ឆ្នាំ២០២៤នេះ ឲ្យបានដឹងថា ឃាត់ខ្លួនជនជាតិចិន និងវៀតណាម ប្រុសស្រីចំនួន០៤នាក់ ពាក់ព័ន្ធករណីគ្រោះថ្នាក់ចរាចរណ៍ ហើយបើករត់គេចទៅ បុ ..;កបង្គោលភ្លើងថ្ម ។
ហេតុការណ៍នេះកើតឡើងនៅថ្ងៃទី១៤ ខែកុម្ភៈ ឆ្នាំ២០២៤ វេលាម៉ោង២០:៣០នាទី រវាងរថយន្តម៉ាកLexus GS300 ពណ៌ស ពាក់ផ្លាកលេខ 2AF-1927 អ្នកបើកបរមានគ្នា០៤នាក់ ស្រី០២នាក់ បានប៉ះជាមួយ រថយន្តម៉ាកToyota Prius ពណ៌ស នៅចំណុចវត្តបុទុមវត្តី កែងផ្លូវ២៤០ រួចបើករថយន្តបើកគេចមកដល់ចំណុចស្តុបផ្សារដើមគរ បានប៉ះជាមួយរថយន្ត ០១គ្រឿងទៀត ម៉ាកMercedes ពណ៌ខ្មៅ ពាក់ផ្លាកលេខ កម្ពុជា KD7.BENZ ហើយបើកគេចរហូតដល់ចំណុចស្តុបណប្រីដ លើផ្លូវ២០០៤ សង្កាត់អូរបែកក្អម ខណ្ឌសែនសុខ ក៏ បុ ..;កបង្គោលភ្លេីងថ្ម បណ្តាលឱ្យខូចខាតរថយន្តធ្ងន់ធ្ងរមិនអាចបន្តដំណើរទៅមុខបានតែម្តង ៕ Mrr Ka
.jpg?1707967005)
