រាជធានីភ្នំពេញ ៖ បុរសម្នាក់បើករថយន្ដ Ford Ranger មួយគ្រឿងបុកដើមឈើនិងជញ្ជាំង ក្នុងតំបន់បឹងកក់ បណ្ដាលឲ្យរងការខូចខាតហើយក៏មានរថយន្ដFord Raptor មួយគ្រឿងផ្សេងទៀត បានបុកម៉ូតូបណ្ដាលអោយរងរបួស ហើយបើករត់គេចបាត់ស្រមោល ។
ហេតុការណ៍នេះ កើតឡើង នៅវេលាម៉ោង១១យប់ ថ្ងៃទី១៦ ខែកុម្ភៈ ឆ្នាំ២០២៤ ស្ថិតតាមបណ្ដោយផ្លូវR8 (តំបន់អភិវឌ្ឍន៍បឹងកក់) សង្កាត់ស្រះចក ខណ្ឌដូនពេញ រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ គេបានឃើញបុរសម្នាក់ បើករថយន្ដ Ford Ranger មួយគ្រឿងតាមបណ្ដោយផ្លូវ R5 ក្នុងទិសដៅពីជើងទៅត្បូង មកដល់ចំណុចកើតហេតុ ក៏បុកដើមឈើនិងជញ្ជាំងនៅតំបន់បឹងកក់ បណ្ដាលឲ្យរងការខូចខាត ហើយភ្លាមនោះក៏មានរថយន្ដFord Raptor មួយគ្រឿងផ្សេងទៀត បានបុកម៉ូតូសង់សេ១២៥ ជិះគ្នា២នាក់ បណ្ដោយផ្លូវរងរបួស រួចហើយរថយន្ដខាងលើ ក៏បើករត់គេចបាត់ពីកន្លែងកើតហេតុតែម្តង ។
ក្រោយពេលកើតហេតុ ភាគីខាងរថយន្ដបានសងសំណងថ្លៃ ដើមឈើនិងជញ្ជាំង ដែលបានខូចខាតទៅខាងក្រុមហ៊ុនដើម្បីបញ្ចប់រឿង តែម្តង៕ Mrr Ka
