ឃាត់ខ្លួនជនសង្ស័យម្នាក់ លួចម៉ូតូរបស់ប្រជាពលរដ្ឋ ក្នុងខណ្ឌពោធិ៍សែនជ័យ
រាជធានីភ្នំពេញ៖ ជនសង្ស័យម្នាក់ ធ្វើសកម្មភាពលួចម៉ូតូរបស់ប្រជាពលរដ្ឋ ត្រូវបានកម្លាំងអធិការដ្ឋាននគរបាលខណ្ឌពោធិ៍សែនជ័យ ឃាត់ខ្លួនបាន ។ នេះបើយោងតាមផេក ស្នងការដ្ឋាននគរបាលរាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យរូបនេះ បានធ្វើសកម្មភាពលួចម៉ូតូ កាលពីថ្ងៃទី២១ ខែកុម្ភៈ ឆ្នាំ ២០២៤ ស្ថិតនៅភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ ។
ក្នុងនោះវត្ថុតាងដកហូតរួមមាន៖ ម៉ូតូម៉ាកស៊ុយសុគីនិច (ប្រគល់ជូនជនរងគ្រោះវិញ)។
បច្ចុប្បន្នជនសង្ស័យ កំពុងឃាត់ខ្លួនជាបណ្តោះអាសន្ន ដើម្បីចាត់ការតាមនីតិវិធី៕
