កង់បីឥណ្ឌាបុករថយន្ត ឡិចស៊ីស RX450h ជ្រុលបុកទ្វារផ្ទះប្រជាពលរដ្ឋត្រង់ផ្លូវបំបែកជា៤ រងការខូចខាតយ៉ាងដំណំ
រាជធានីភ្នំពេញ ៖ បុរសម្នាក់ជិះម៉ូតូកង់បីឥណ្ឌា បុករថយន្ត ឡិចស៊ីស RX450h ហើយជ្រុលបុកទ្វារផ្ទះប្រជាពលរដ្ឋត្រង់ផ្លូវបំបែកជា៤ បណ្ដាលអោយរងការខូចខាតយ៉ាងដំណំ។
ហេតុការណ៍នេះ បានកើតឡើងនៅវេលាម៉ោង១យប់ ឈានចូលថ្ងៃទី២២ ខែកុម្ភៈ ឆ្នាំ២០២៤ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ជិះម៉ូតូកង់បីឥណ្ឌា ពាក់ស្លាកលេខភ្នំពេញ 1KA-4044 បុករថយន្ត ឡិចស៊ីស RX450h ពាក់ស្លាកលេខ នគរបាល 2-7604 ហើយជ្រុលបុកទ្វារផ្ទះប្រជាពលរដ្ឋបណ្ដាលរងការខូចខាតយ៉ាងដំណំ និងមានអ្នករងរបួស ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្តនិងកង់បីឥណ្ឌាទៅរក្សាទុក រង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka
