ខេត្ត​សៀមរាប​៖ ផ្ទះប្រជាពលរដ្ឋមួយខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅ កាលពីវេលាម៉ោង៩ព្រឹក ថ្ងៃទី១៩ ខែកុម្ភ: ឆ្នាំ២០២៤​ នៅភូមិជប់សោម​ ឃុំវ៉ារីន​ ស្រុកវ៉ារិន​ ខេត្តសៀមរាប។ នេះបើយោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ ​ ថៃ នី ភេទ​ ប្រុស អាយុ​ ៦០​ ឆ្នាំ​ មានទីលំនៅភូមិជប់សោម​ ឃុំវ៉ារីន​ ស្រុកវ៉ារិន​ ខេត្តសៀមរាប បណ្តាលឲ្យរងការខូចខាត ផ្ទះមានទំហំ៩×៦ម៉ែត្រ​ ជញ្ជំងក្តារ​ប្រក់សង្ក័សី,សូឡាចំនួន​ ០១​ គ្រឿង ,អាគុយចំនួន​ ០២,ម៉ាស៊ីនបាញ់ថ្នាំចំនួ​ន​ ០២​ គ្រឿង, គ្រឿងធ្វើផ្ទះចំនួន​ ០២​ គីប​ និងសម្ភារៈប្រើប្រាស់ខូចខាតទាំងស្រុង​ និងម៉ូតូចំនួន០១គ្រឿង។

ចំណែកមូលហេតុសមត្ថកិច្ចបញ្ជាក់ថា​ បណ្តាល​មក​ពី​ម្ចាស់ផ្ទះបង្កាត់ភ្លើងដាំបាយទុកចោលគ្មានអ្នកនៅចាំផ្ទះបង្ក​ជា​អគ្គិភ័យ​តែ​ម្ដង​។

ជុំវិញករណីនេះ ​មិនបានប្រើប្រាស់រថយន្តពន្លត់អគ្គិភ័យ​នោះទេ មូលហេតុភូមិនៅដាច់ស្រយាល​ និងរថយន្តពន្លត់អគ្គិភ័យទៅមិនទាន់ដោយសារផ្លូវពិបាក​ (ផ្លូវខ្សាច់)​ ៕