ខេត្តបន្ទាយមានជ័យ ៖ យោងតាមផេកផ្លូវការរបស់ GRK News បានឲ្យដឹងថា នៅថ្ងៃទី២២ ខែកុម្ភៈ ឆ្នាំ២០២៤ មន្ត្រជំនាញកងរាជអាវុធហត្ថខេត្តបន្ទាយមានជ័យ បានបញ្ជូនជនសង្ស័យជនជាតិចិន ០២នាក់ និងវត្ថុតាងពាក់ព័ន្ធ ទៅសាលាដំបូងខេត្តដើម្បីចាត់ការតាមនីតិវិធីពាក់ព័ន្ធនឹងករណីហិង្សាដោយចេតនា និងកាន់កាប់ ឬដឹកជញ្ជូនអាវុធដោយគ្មានការអនុញ្ញាត ព្រមទាំងករណីរក្សាទុកចែកចាយនូវសារធាតុញៀនដោយខុសច្បាប់ ។

កងរាជអាវុធហត្ថ បានបញ្ជាក់ថា ជនសង្ស័យទាំងនេះ ត្រូវបានបង្ក្រាបនៅវេលាម៉ោង ១៥ និង ០០នាទី ថ្ងៃទី២០ ខែកុម្ភៈ ឆ្នាំ២០២៤ នៅចំណុចបុរីKN ស្ថិតក្នុងភូមិគីឡូម៉ែត្រ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាមានជ័យ ៕