រាជធានីភ្នំពេញ ៖ យោងតាមផេកផ្លូវការរបស់ ស្នងការដ្ឋាននគតបាលរាជធានីភ្នំពេញ បានឲ្យដឹងថា សមត្ថកិច្ចបានធ្វើការឃាត់ខ្លួនជនសង្ស័យចំនួន០៦នាក់ ពាក់ព័ន្ធករណី ហិ ..ង្សា ដោយចេតនា (វា ..យ ស ..ម្លា ..ប់ ជនជាតិទួរគី) នៅខណ្ឌដូនពេញ ។

សូមបញ្ជាក់ថា ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៦ ខែកុម្ភៈ ឆ្នាំ២០២៤ កម្លាំងអធិការដ្ឋាននគរបាលខណ្ឌដូនពេញ ដឹកនាំដោយលោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ សហការជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ ធ្វើការស្រាវជ្រាវឈានដល់បង្ក្រាបករណី ហិ ..ង្សា ដោយចេតនា (វា ..យ ស ..ម្លា ..ប់ ជនជាតិទួរគី) និងឃាត់ខ្លួនជនសង្ស័យចំនួន០៦នាក់ នៅចំណុចផ្ទះលេខ១៦អឺ០ហ្សេត ភូមិ១០ សង្កាត់ផ្សាថ្មី៣ ខណ្ឌដូនពេញ ប្រព្រឹត្តល្មើសកាលនៅយប់ថ្ងៃទី២៥ ខែកុម្ភៈ ឆ្នាំ២០២៤។

សមត្ថកិច្ចបានឲ្យដឹងថា ជនសង្ស័យចំនួន០៦នាក់ដែលឃាត់ខ្លួនរួមមាន៖ ១.ឈ្មោះប៉ាវ គន្ធមុន្នី ភេទស្រី ២.ឈ្មោះ វ៉ាន់ ហួត ភេទប្រុស ៣. ឈ្មោះ ប៉ាវ គន្ធសុធា ហៅចូជ ៤.ឈ្មោះ ឃួយ ម៉ិញគាត ភេទប្រុស ៥.ឈ្មោះ ងួន វណ្ណៈ ហៅឆៃ ភេទប្រុស និង៦.ឈ្មោះប៉ាវ គន្ធសុធី ភេទប្រុស។

តាមរបាយការណ៍លម្អិតពីសមត្ថកិច្ចជំនាញ ដែលTVFB ទទួលបាន បានឲ្យដឹងថា នៅថ្ងៃទី២៥ ខែកុម្ភៈ ឆ្នាំ២០២៤ វេលាម៉ោង១០និង៤៥នាទីយប់ មានករណីហិង្សាដោយចេតនាមានស្ថានទម្ងន់ទោស ដោយសារមរណភាពនៃជនរងគ្រោះ នៅចំណុចផ្ទះលេខ១៦ Eozផ្លូលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ បង្កឡើងដោយជនសង្ស័យចំនួន១០នាក់ ស្លៀកពាក់ស៊ីវិល ប្រដាប់ដោយញញួរដែកគាស់ ០១ដើម ច្រវ៉ាក់ស្រោបទុយោ០១ មធ្យោបាយថ្មើជើង ។

ជនសង្ស័យឈ្មោះប៉ាវ គន្ធមុន្នី ហៅក្រៅមុន្នី ភេទស្រី អាយុ៤២ឆ្នាំ ជនជាតិខ្មែរ ជាកូនបង្កើតរបស់ឈ្មោះសេង សុគន្ធ ភេទស្រី អាយុ៦៨ឆ្នាំ មុខរបរ អ្នកគ្រប់គ្រងបន្ទប់ជួលនិងអ្នកគិតលុយ ទីលំនៅមុនពេលឃាត់ខ្លួន ស្នាក់នៅផ្ទះគ្មានលេខផ្លូវលេខ២៩០1c ភូមិឫស្សី សង្កាត់ស្ទឹងមាន ទី២ ខណ្ឌមានជ័យ រាជធានីភ្នំពេញ ឃាត់ខ្លួនជាក់ស្តែងនៅថ្ងៃទី២៥ ខែកុម្ភៈ ឆ្នាំ២០២៤ បញ្ជូនមកកាន់អធិការនគរបាលខណ្ឌដូនពេញ ។

ជនសង្ស័យទី២ឈ្មោះ វណ្ណ ហួត ភេទប្រុស អាយុ៤៥ឆ្នាំ ជនជាតិខ្មែរ ជាប្តីរបស់ឈ្មោះប៉ាវ គន្ធមុន្នី មុខរបរ រត់តាក់ស៊ី ទីលំនៅមុនពេលឃាត់ខ្លួន ស្នាក់នៅជាមួយគ្នា។

ជនសង្ស័យទី៣ឈ្មោះ ប៉ាវ គន្ធសុធី ភេទប្រុស អាយុ៤៥ឆ្នាំ ជនជាតិខ្មែរ ជាបងបង្កើតរបស់ឈ្មោះប៉ាវ គន្ធមុន្នី មុខរបរនៅផ្ទះ ទីលំនៅមុនពេលឃាត់ខ្លួន ស្នាក់នៅផ្ទះលេខ១៦Eozផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូពេញ រាជធានីភ្នំពេញ ។

ជនសង្ស័យទី៤ឈ្មោះ ប៉ាវ គន្ធសុធា​ ហៅចូជ ភេទប្រុស អាយុ៤១ឆ្នាំ ជនជាតិខ្មែរ ជាបងបង្កើតរបស់ឈ្មោះ ប៉ាវ គន្ធមុន្នី មុខរបរ នៅផ្ទះ ទីលំនៅមុនពេលឃាត់ខ្លួន ស្នាក់នៅផ្ទះជាមួយគ្នា។

ជនសង្ស័យទី៥ឈ្មោះ ប៉ាវ គន្ធរតនា ហៅក្រៅពែក ភេទប្រុស អាយុ៣៨ឆ្នាំ ជនជាតិខ្មែរ មុខរបរ រត់តាក់ស៊ី ជាបងបង្កើតរបស់ឈ្មោះប៉ាវ គន្ធមុន្នី ទីលំនៅមុនពេលឃាត់ខ្លួន ស្នាក់នៅផ្ទះជាមួយគ្នា ។

ជនសង្ស័យទី៦ឈ្មោះ ឃួយ ម៉ិញគាត ភេទប្រុស អាយុ៣០ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន ទីលំនៅមុនពេលឃាត់ខ្លួន ស្នាក់នៅផ្ទះលេខ១៤Eo ផ្លូវលេខ៥១ ភូមិ១០ សង្កាត់ផ្សារថ្មីទី៣ ។

ជនសង្ស័យទី៧ឈ្មោះ ងួន វណ្ណៈហៅឆៃ ភេទប្រុស អាយុ២៣ឆ្នាំ ជនជាតិខ្មែរ មុខរបរដឹកអីវ៉ាន់តាមអនឡាញ ទីលំនៅមុនពេលឃាត់ខ្លួន ផ្ទះគ្មានលេខ ផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។

ជនសង្ស័យទី៨ឈ្មោះ ប៉ោ ស៊ីម៉ី ភេទស្រី អាយុ៣១ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន ទីលំនៅផ្ទះលេខ១៤Ez ផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។

ជនសង្ស័យទី៩ឈ្មោះ ធី ចាន់ថុន ហៅក្រៅថុន ភេទប្រុស អាយុ២៤ឆ្នាំ មុខរបរ មិនពិតប្រាកដ ទីលំនៅផ្ទះគ្មានលេខ ផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។

ជនសង្ស័យទី១០ឈ្មោះ ប៊ុន សម្បត្តិ ភេទប្រុស អាយុ២៧ឆ្នាំ ជនជាតិខ្មែរ មុខរបរ រត់កង់បី ទីលំនៅបន្ទប់ជួលគ្មានលេខ ផ្លូវលេខ៥១ ភូមិ១០​ សង្កាត់ផ្សារថ្មីទី៣ ខណ្ឌដូនពេញ រាជធានីភ្នពេញ ។

ក្នុងនោះវត្ថុតាងចាប់យករួមមាន ញញួរដែកគាស់ដែកគោល០១ដើម និងច្រវ៉ាក់ស្រោបទុយោជ័រប្រវែង0,60cm ចំនួន០១។

ដោយឡែកសពជនរងគ្រោះឈ្មោះ ONTORK UFUK ភេទប្រុស អាយុ៥៣ឆ្នាំ កើតនៅថ្ងៃទី២៣ ខែសីហា ឆ្នាំ១៩៧១ ជនជាតិទួគី កាន់លិខិតឆ្លងដែនលេខ GOO111757 មុខរបរទេសចរណ៍ ទីលំនៅបច្ចុប្បន្នស្នាក់នៅផ្ទះជួលលេខ១៦Eoz ផ្លូវលេខ៥១ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ របួសស្នាម បែកលលាដ៍ក្បាល។

របាយការណ៍សមត្ថកិច្ចបានឲ្យដឹងថាទៀតថា មុនពេលកើតហេតុ ក្រុមជនសង្ស័យបានផឹកស៊ីនៅខាងមុខផ្ទះកើតហេតុ នៅជាប់ចំហៀងផ្ទះកើតហេតុ ហើយបានស្រែកឡូឡា ពេលនោះជនរងគ្រោះខឹងដោយសារផឹកស៊ីឡូឡាខ្លាំងពេក ក៏បានយកចានបារីគប់ពីលើផ្ទះជាន់ទី១មកក្រោម តែមិនបានត្រូវអ្នកណានោះទេ ហើយអ្នកគ្រប់គ្រងបន្ទប់ជួលឈ្មោះ ប៉ាវ គន្ធមុន្នី ភេទស្រីអាយុ៤២ឆ្នាំ បានឡើងទៅសួរជនរងគ្រោះ ហេតុម្តេចក៏យកចានគប់មកលើអ្នកនៅខាងក្រោមអញ្ជឹង ជនរងគ្រោះបានឆ្លើយថាអញចង់អញ្ចឹង ហើយក៏មានការឈ្លោះប្រកែកគ្នាទៅវិញទៅមក បន្ទាប់មកឈ្មោះប៉ាវ គន្ធមុន្នី បានស្រែកហៅក្រុមគ្រួសារ និងបក្ខពួកដែលរស់នៅជិតខាងឲ្យឡើងមកជួយ ជនរងគ្រោះឃើញក្រុមជនសង្ស័យមានគ្នីគ្នាច្រើន ក៏ដកញញួរចេញពីខាងក្រោយចង្កេះ វាយទៅលើក្រុមជនសង្ស័យ ហើយក្រុមជនសង្ស័យក៏ព្រួតគ្នាវាយ និងដណ្តើមយកញញួរបាន ក៏វាយក្បាលជនរងគ្រោះបណ្តាលឲ្យផុងលលាដ៍ស្លាប់នៅកន្លែងកើតហេតុ។

បន្ទាប់មកសមត្ថកិច្ចទទួលបានព័ត៌មានក៏ចុះមកដល់កន្លែងកើតហេតុធ្វើការស្រាវជ្រាវ និងឃាត់ខ្លួនជនសង្ស័យខាងលើនាំមកកាន់អធិការដ្ឋាននគរបាលខណ្ឌដូនពេញតែម្តង។

ដូច្នេះតាមការសន្និដ្ឋាន ការិយាល័យនគរបាលបច្ចេកទេសនិងវិទ្យាសាស្រ្តនិងឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមសាលាដំបូងរាជធានីភ្នំពេញ បានបញ្ជាក់ថា ជនរងគ្រោះ ស្លាប់ដោយសារប៉ះទង្គិចក្បាលធ្ងន់ធ្ងរ បច្ចុប្បន្នសាកសពបានតម្កល់ក្លាសស្សេនៅវត្តទឹកថ្លា សង្កាត់ទឹកថ្លា ខណ្ឌសែនសុខ រងចាំក្រុមគ្រួសារមកទទួលយក ៕ អែល វិចិត្រ