រថយន្ត Mercedes បុ.....កនិងកិ...នម៉ូតូ Dream C125 ចូលក្រោមរថយន្ត
រាជធានីភ្នំពេញ ៖ បុរសម្នាក់បើករថយន្ត Mercedes មួយគ្រឿងបុកនិងកិនម៉ូតូ Dream C125 ចូលក្រោមរថយន្ត បណ្ដាលរងការខូចខាតយ៉ាងដំណំ ។
ហេតុការណ៍នេះ បានកើតឡើងនៅតាមបណ្ដោយផ្លូវ៦៧ កែង១៤២ ក្នុងសង្កាត់ផ្សារថ្មីទី២ ខណ្ឌដូនពេញ រាជធានីភ្នំពេញ នាវេលាម៉ោង១១យប់ ថ្ងៃទី២៧ ខែកុម្ភៈ ឆ្នាំ២០២៤ ។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត Mercedes មួយគ្រឿង តាមបណ្ដោយផ្លូវ១៤២ ក្នុងទិសដៅពីលិចទៅកើត មកដល់ផ្លូវបំបែកជា៤ ក៏បានបុកកិនម៉ូតូ Dream c125 ចូលក្រោមរថយន្ត បណ្ដាលរងការខូចខាតយ៉ាងដំណំ តែម្តង ។
ក្រោយកើតហេតុ ភាគីខាងរថយន្តបានផ្ដល់សំណង១០០ដុល្លារ ទៅកាន់ភាគីខាងម៉ូតូ ដើម្បីបញ្ចប់រឿងនៅនឹងកន្លែងកើតហេតុ ៕ Mrr Ka
